Niahledziačy na ŭsie starańni pravicielstva i jaho čynoŭnikaŭ, kab nie dapuścić u novuju Dumu śmiełych i ščyrych vajakaŭ za narodnaje dzieła, kab nie była jana padobna da pieršaj, — z usioj Rasiei na 468 deputataŭ vybrali tolki 82 takich, što stajać za pravicielstva i za staryja paradki; zatoje 360 deputataŭ stajać za svabodu. Sacyjalistaŭ, revalucyjaneraŭ i inšych, što adkryta iduć za narod proci pravicielstva, budzie ŭ Dumie 204. Značyć, možam ciapier śmieła skazać, što Duma nie ašukaje narodu, što jana ŭsio zrobić, kab spoŭnić narodnyja žadańni.
