Aščadnaść jość važkim składnikam sučasnaha śvietapohladu. Biez aščadnaha staŭleńnia da pryrodnych resursaŭ isnuje pahroza isnavańniu samoha «haspadara pryrody».

Časta aščadnaść razhladajuć jak štości hramadzkaje, dziaržaŭnaje, što nie pad siłu adnamu čałavieku. Ale jość prykłady, kali aščadnaść karysnaja najpierš asobie, a pamnožanaja na hramadztva — usim.

Ciapierašnim časam u kramach možna nabyć enerhaaščadnyja lampy, što spažyvajuć u piać (!) razoŭ mienš elektraenerhii, čym zvyčajnaja lampa (18 Vt zamiest 100 Vt) z toj samaj kolkaściu śviatła. Aščadnaja lampa daje pryjemnaje dla vačej aśviatleńnie, mała nahrajecca, maje termin słužby 3000 hadzinaŭ. Kaštuje takaja lampa prykładna 7 tysiačaŭ, źbierahaje ž (100 – 18 Vt) ch 3000 hadz = 246 kVt/hadz elektraenerhii. Pamnožcie na taryf, i vy pabačycie, što adna lampa daje ekanomiju 10 tys. rubloŭ navat pry ilhotnym taryfie. A ŭ kvatery, u domie, u słužbovym pamiaškańni, na pradpryjemstvie — nie adna lampačka. Pamnožanaja na miljony spažyŭcoŭ, ekanomija tolki na aśviatleńni moža siahać da 1000 MVt elektraenerhii. A heta ŭzrovień mahutnaści atamnaha reaktaru. Tolki pieraabstalavać adzin z zavodaŭ na vytvorčaść aščadnych lampaŭ budzie kaštavać šmat tańniej, čym budavać toj reaktar. Dyj u vyniku kraina budzie mieć sučasnaje pradpryjemstva, a nie hniły zub — AES, vydalać jaki daviadziecca našym naščadkam. Da taho ž, kožnaja AES zabrudžvaje navakolle — heta «Čarnobyl zapavolenaha dziejańnia». A hrošy, zaplanavanyja na budaŭnictva AES, možna puścić na enerhaźbierahajučyja technalohii, na zavody pa pierapracoŭcy batarejkaŭ, akumulataraŭ, śmiećcia. Ad hetaha budzie bolš karyści zdaroŭju ludziej.

Mnoj paznačana tolki adna krynica ekanomii. Miarkuju, što ahulnymi vysiłkami buduć znojdzienyja i inšyja, a vynikam hramadzkaha ruchu «Za aščadnaść» chaciełasia b bačyć admovu ad budaŭnictva AES u našaj krainie. Prapanuju spadarstvu vykazać svajo hledžańnie na hetuju temu.

Ja ž mahu paviedamić takija dadzienyja:

Naša siamja pačała karystacca aščadnymi lampami ŭ listapadzie 2006 h., a sa studzienia 2007 h. našu kvateru aśviatlajuć užo siem takich lamp. U vyniku za try zimovyja miesiacy spažyta 630 kVt/hadz elektraenerhii, a za dźvie papiarednija zimy było spažyta pa 1000 kVt/hadz (u nas elektraplita). Takim čynam, navat pry našym ilhotnym taryfie za try miesiacy my ŭžo viarnuli košt troch nabytych lampačak.

Tamu, chto nie śpiašajecca dałučycca da ruchu «Za aščadnaść», raju pačytać pastanovu ŭradu ad 30.01.2007 h. adnosna novych taryfaŭ na enerhiju dla nasielnictva.

Kantakt aŭtara jość u Redakcyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?