Voś užo druhi miesiac idzie tak zvanaja hazavaja i naftavaja vajna pamiž Mienskam i Maskvoj. Čamu ž vy nie nadrukujecie materyjały 90‑ch hadoŭ na hetuju temu Z.Paźniaka? Ja sam dobra pamiataju tyja časy, i kali mnie trapili ŭlotki Narodnaha Frontu, ja i sam dobra nie razumieŭ tady, što takoje Čarnamorska‑Bałtyjski kalektar . Na vašym miescy ja sabraŭ by ŭsie vystupleńni Łukašenki z adnaho boku, a z druhoha — usio, što havaryła, pisała, prapanoŭvała naša apazycyja. Stała b jasna, chto mieŭ racyju.
Pa‑druhoje. Na terytoryi Biełarusi da hetaj pary zachavałasia bolš za 400 staradaŭnich parkaŭ. Jany roznyja pa svajoj płoščy, ad vieličnych sadova‑parkavych ansamblaŭ Niaśvižu, Homiela da nievialikich parkaŭ pry majontkach. Zachavalisia ŭ roznaj stupieni. Čas i čałaviek robiać svaju spravu, jany zaraśli, ździčeli, miescami častkova vysiečany i zabudavany, časam pieraplanavany i niaredka nia ŭ lepšy bok. Kolki jany tojać cikavaha, tajamničaha i jašče mnoha čaho! Pišycie pra heta.
Pa‑treciaje. U faksymilnym vydańni «NN» za 1910 hod «Listy z darohi» Jadvihina Š. — 16 listoŭ. Z padarožža majho ziemlaka pieššu ź Vilni ŭ Karpiłaŭku. Ot kab chto prajechaŭ, prajšoŭ praz 100 hadoŭ toj ža darohaj.
