Popyt na biełaruskamoŭnuju paštovuju pradukcyju ŭ Śvietłahorskim rajonie sioleta značna bolšy, čym u papiarednija hady.
Pra heta paviedamlajecca ŭ piśmie miascovaha vuzła paštovaj suviazi, jakoje dasłanaje pradstaŭnikam Tavarystva biełaruskaj movy imia Franciška Skaryny ŭ Śvietłahorsku. Havorka idzie najpierš pra śviatočnyja paštoŭki.
U apošnija dni napiaredadni navahodnich i kaladnych śviataŭ u Śvietłahorskim rajonie ŭźnik deficyt biełaruskamoŭnych paštovak. U adździaleńniach suviazi ŭ prodažy zastałasia tolki pradukcyja rasiejskich vytvorcaŭ. Šerah siabraŭ TBM u Śvietłahorsku źviarnulisia z hetaj nahody da kiraŭnictva rajonnaha vuzła paštovaj suviazi. Dniami atrymany adkaz ab vynikach razhladu zvarotu.
«Zakaz na vyšejnazvanyja paštoŭki byŭ zrobleny na ŭzroŭni minułych hadoŭ, ale ŭ hetym hodzie popyt na biełaruskamoŭnyja paštoŭki, što pryjemna adznačyć, byŭ značna bolšy, čym u papiarednija hady, u suviazi z hetym niekatory čas nazirałasia ich adsutnaść,» – paviedamiŭ načalnik rajonnaha vuzła paštovaj suviazi Aleh Rekun. Kiraŭnik miascovaj pošty dadaŭ, što takaja akaličnaść budzie ŭličanaja pry prodažy pradukcyi ŭ budučyni. Varta pryhadać, što letaś da 45‑hodździa z času nadańnia Śvietłahorsku statusa horadu byli vydadzienyja paštovyja kaperty ź biełaruskamoŭnym mastackim afarmleńniem, jakija taksama karystalisia dobrym popytam u miascovaha nasielnictva.
