Jaje stvareńnie praduhledžana piłotnym prajektam, jaki ciapier realizujecca pa daručeńni Łukašenki.

«Piłotny prajekt praduhledžvaje aptymizacyju funkcyj, struktury, kolkaści i apłaty pracy rabotnikaŭ aparatu Savieta Ministraŭ», — udakładnili va ŭradzie. Dla realizacyi prajekta stvorana rabočaja hrupa, u skład jakoj uklučany nie tolki pradstaŭniki dziaržaŭnych orhanaŭ, ale i rabotniki Nacyjanalnaj akademii navuk, Akademii kiravańnia pry prezidencie Respubliki Biełaruś. «Heta daje mahčymaść zabiaśpiečyć navukovy padychod da vyrašeńnia pastaŭlenych zadač», — ličać u Saŭminie.

Rabočaja hrupa pavinna pradstavić kankretnyja prapanovy pa pastupovym źmianšeńni kolkaści rabotnikaŭ aparatu, aptymizacyi ich funkcyj i pa stvareńni novaj struktury aparatu Saŭmina. Płanujecca vyklučyć dubliravańnie paŭnamoctvaŭ i skaracić dakumientaabarot. Ekśpiertam treba budzie raspracavać hibkuju sistemu stymulavańnia pracy supracoŭnikaŭ aparatu. Płanujecca, što hrašovyja srodki, sekanomlenyja za košt aptymizacyi struktury, buduć nakiravany na zaachvočvańnie astatnich supracoŭnikaŭ.

«Niahledziačy na źmianšeńnie kolkaści rabotnikaŭ, aparat pavinien budzie biezumoŭna zabiaśpiečyć vyrašeńnie ŭskładzienych na jaho zadač», — padkreślili va ŭradzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?