Rezalucyja Jeŭraparłamienta ab prymianieńni śmiarotnaj kary ŭ Biełarusi vyklikaje abureńnie. Pra heta havorycca ŭ zajavie pres-słužby Ministerstva zamiežnych spraŭ u suviazi z pryniaćciem Jeŭrapiejskim parłamientam rezalucyi pa Biełarusi.

«Rezalucyja Jeŭraparłamienta ab prymianieńni śmiarotnaj kary ŭ Biełarusi vyklikaje prosta abureńnie: Jeŭraparłamient de-fakta stanovicca na bok terarystaŭ, niekampietentna padviarhajučy sumnieńniu vysnovy, śledstvy i rašeńni biełaruskaha suda pa spravie ab teraktach», — havorycca ŭ zajavie.

«Jeŭraparłamient taksama, što nie robić jamu honaru, hruba ŭmiešvajecca ŭ ažyćciaŭleńnie pravasudździa ŭ suvierennaj dziaržavie»,
 — padkreślivaje biełaruskaje MZS.

***

Jeŭraparłamient na pasiadžeńni ŭ Strasburhu 16 lutaha adnahałosna pryniaŭ rezalucyju, jakaja asudžaje śmiarotnyja pryhavory abvinavačanym u teraryźmie Dźmitryju Kanavałavu i Uładzisłavu Kavalovu i zaklikaje ŭłady Biełarusi da abviaščeńnia maratoryja na śmiarotnuju karu.

U dakumiencie ŭtrymlivajecca zaklik da prezidenta Alaksandra Łukašenki pamiłavać Kanavałava i Kavalova. U pryniataj rezalucyi zhadvajucca spravazdačy mižnarodnych pravaabarončych arhanizacyj, ź jakich vynikaje, što rasśledavańnie spravy Kanavałava i Kavalova, a taksama sudy nad imi «nie byli spraviadlivymi», a rasśledavańnie spravy prachodziła z parušeńniem pravoŭ čałavieka.

Jeŭradeputaty padkreślili, što prymianieńnie «nierealnaha, žorstkaha, niehumannaha pakarańnia, jakoje parušaje prava na žyćcio», nieprymalnaje, i zaklikali biełaruskija ŭłady admianić śmiarotnuju karu abo ŭvieści nieadkładny maratoryj na jaje prymianieńnie.

Aprača taho, u rezalucyi asudžajecca pieraśled pravaabaroncaŭ, aktyvistaŭ demakratyčnaj apazicyi, hramadzianskaj supolnaści i ŚMI pa palityčnych matyvach, što praciahvajecca ŭ Biełarusi, i ŭtrymlivajecca patrabavańnie nieadkładna vyzvalić usich palitźniavolenych.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?