Alaksandr Łukašenka 23 lutaha padpisaŭ ukaz № 100 «Ab mierach pa ŭdaskanalvańni ŭliku i skaračeńni kolkaści pustych i starych damoŭ u sielskaj miascovaści», paviedamiła pres-słužba prezidenta.

Hety dakumient ujaŭlaje saboj novuju redakcyju ŭkaza ad 3 lutaha 2006 hoda № 70 «Ab mierach pa ŭparadkavańni ŭliku i skaračeńni kolkaści pustych i starych damoŭ z haspadarčymi i inšymi pabudovami ŭ sielskaj miascovaści».

«Jaho vydańnie abumoŭlena składanaściami, vyjaŭlenymi pry prymianieńni na praktycy norm ukaza № 70, i nieabchodnaściu spraščeńnia pracedur adabrańnia pustych i starych žyłych damoŭ u sielskaj miascovaści, jakija biezhaspadarča ŭtrymlivajucca, a taksama aktyvizacyi žyllovaha budaŭnictva ŭ sielskich nasielenych punktach», — havorycca ŭ paviedamleńni pres-słužby.

Ukazam zachavany isnujučyja padychody da spynieńnia pravoŭ ułasnaści na pustyja i staryja žyłyja damy vyklučna ŭ sudovym paradku.
Pry hetym udakładniajucca pravavyja padstavy i paradak adniasieńnia žyłych damoŭ da liku pustych abo starych, skasoŭvajucca asobnyja pracedury, jakija nie mieli istotnaha značeńnia i nie ŭpłyvali na pryniaćcie rašeńniaŭ ab nakiravańni takich damoŭ va ŭłasnaść adpaviednaj administracyjna-terytaryjalnaj adzinki, ich znosie abo adnaŭleńni dla vykarystańnia pa pryznačeńni.

Zhodna z ukazam, da liku pustych mohuć być adniesieny žyłyja damy, raźmieščanyja ŭ sielskaj miascovaści, u dačynieńni da jakich na 1 studzienia kožnaha hoda jość dakładnyja źviestki ab tym, što na praciahu apošnich troch hadoŭ zapar asoby, jakija majuć prava karystańnia imi, žyvuć u ich u sukupnaści mienš čym adzin miesiac u hodzie, i ŭ dačynieńni da jakich nie pradstaŭleny piśmovyja paviedamleńni ab namiery vykarystoŭvać ich dla pražyvańnia.

Pad starymi damami razumiejucca raźmieščanyja ŭ sielskaj miascovaści žyłyja damy, u dačynieńni da jakich pryznana, što jany nie adpaviadajuć sanitarnym i techničnym patrabavańniam abo niepryhodnyja dla pražyvańnia,
i ŭ dačynieńni da jakich na 1 studzienia kožnaha kalandarnaha hoda jość dakładnyja źviestki ab tym, što hetyja damy ŭtrymlivajucca biezhaspadarča, asoby, jakija majuć prava karystańnia imi, na praciahu apošniaha hoda nie žyvuć u ich i nie prymajuć mier da adnaŭleńnia hetych damoŭ dla vykarystańnia pa pryznačeńni.

Pry hetym ukazam na miascovyja vykankamy ŭskładajucca abaviazki pa vyšuku ŭłaśnika pustoha doma, asoba i (abo) miesca žycharstva jakoha nieviadomy (u tym liku z pryciahnieńniem orhanaŭ unutranych spraŭ), i pa paviedamleńni jamu ab mahčymym pryznańni takoha žyłoha doma biezhaspadarčym i pravavych nastupstvach takoha pryznańnia. Pry paviedamleńni ŭłaśnika vykankamu ab namiery vykarystoŭvać pusty dom dla pražyvańnia taki dom nie ŭklučajecca ŭ rehistr pustych damoŭ i mierapryjemstvy pa pryznańni jaho biezhaspadarčym nie pravodziacca.

«U cełym realizacyja norm ukaza zaklikana sadziejničać aktyvizacyi pracy miascovych vykankamaŭ pa vyjaŭleńni pustych i starych žyłych damoŭ u sielskaj miascovaści, jakija biezhaspadarča ŭtrymlivajucca, skaračeńni ich kolkaści i dobraŭparadkavańni sielskich nasielenych punktach», — adznačajecca ŭ pres-relizie.

Ukaz nabyvaje moc 1 vieraśnia 2012 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?