U śviežym numary haziety «Litaratura i mastactva» nie zhadvajecca pra dzień naradžeńnia Narodnaha paeta Biełarusi Ryhora Baradulina, jakomu siońnia spoŭniłasia 77 hadoŭ.

Hałoŭnaja redaktarka ​​vydańnia Taćciana Siviec patłumačyła heta tym,

što nichto nie prynios adpaviednych materyjałaŭ.
Pra heta jana paviedamiła 24 lutaha ŭ chodzie kruhłaha stała, prymierkavanaha da 80-hodździa «LiM» u Minsku.

«Sapraŭdy, dzień naradžeńnia Dziadźki Ryhora — vielmi važnaja padzieja.

Čamuści nichto nam pra heta materyjałaŭ nie prynios: ni vinšavańniaŭ, ni ŭspaminaŭ.
Toje, što my nie raźmiaścili sami, moža być, i naša niedapracoŭka, adnak, karystajučysia vypadkam, chaču asabista pavinšavać dziadźku Ryhora sa śviatam i pažadać jamu zdaroŭja", — adznačyła Siviec.

U svaju čarhu staršynia Sajuza piśmieńnikaŭ Biełarusi Mikałaj Čarhiniec udakładniŭ, što ŭ minułym hodzie Baradulina vinšavaŭ asabista. «Usio ž taki my doŭhi čas byli ŭ adnym sajuzie. Što tut hazietu vinavacić, kali niama pasyłu, niama infarmacyi dla taho, kab hazieta publikavała. Heta pralik i Sajuza biełaruskich piśmieńnikaŭ, i ŭ niejkaj stupieni naš.

Ale heta šarahovy dzień naradžeńnia. Choć treba było pavinšavać. I ciapier nie pozna. Možna plašku ŭziać i pajści pavinšavać», — skazaŭ Čarhiniec.

Pavodle jaho słoŭ, u haziecie, mahčyma, źjavicca śpiecyjalnaja rubryka dla vinšavańniaŭ piśmieńnikaŭ i viadomych ludziej.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?