Napiaredadni 25 sakavika Nikala Sarkazi nakiravaŭ Alaksandru Milinkieviču list padtrymki.
Lider demakratyčnych siłaŭ Biełarusi Alaksandr Milinkievič atrymaŭ siońnia list sa słovami padtrymki ad kandydata na pasadu prezidenta Francyi Nikala Sarkazi.
U liście, miž inšaha, Nikala Sarkazi adznačaje:
«Chaču vykazać Vam, hetak sama, i usim aktyvistam demakratyčnych siłaŭ Biełarusi maje najlepšyja pažadańni ŭ 2007 hodzie. U Vašaj ciažkaj baraćbie za pieramohu spraviadlivaści i demakratyi budźcie ŭpeŭnienymi ŭ majoj samaj poŭnaj padtrymcy.»
Nikala Sarkazi vykazaŭ spadziavańnie, što situacyja ŭ Biełarusi źmienicca ŭ najbližejšy čas, što dazvolić jamu naviedać Minsk.
«Spadziajučysia, što ŭ chutkim časie ŭ mianie budzie mahčymaść sustrecca z Vami ŭ Minsku, vykazvaju Vam maje zapeŭnivańni ŭ najvialikšaj pavazie», — skazaŭ Nikala Sarkazi
Nahadajem, što Nikala Sarkazi źjaŭlajecca ministram unutranych spravaŭ Francyi, lideram kirujučaj partyi Sajuz za narodny ruch, i, najvierahodna, budučym prezidentam Francyi.