U samym sercy Viečnaha horada — Viktaryjanie — adkryvajecca vystava słavutaha ŭradženca Biełarusi Mark Šahała. «Jon pakinuŭ svaich ludziej, kab ubačyć vialiki śviet i stacca mastakom».

Tak piša ŭ prestyžnaj katalickaj haziecie «Avvienire» italjanski mastak i muzykant Moni Avadzija.Jon nazyvaje jaho pałotny «kolerami duchoŭnaści», jakija dla nas spałučanyja z tym, što tak mučyć va ŭschodnim judaiźmie , cudoŭnym dziela svajoj hłybini i chrumkaści. Hety «maleńki judej» pryhožy hłybinioj svajho ŭnutranaha śvietu; nadta humanny dla płaniety, zaražanaj hłupstvam i nasillem. Mastactva było jahonym paklikańniem ad dziciačych hadoŭ. Kab ažyćciavić svaju maru maleńki Mark źviarnuŭsia z haračaj malitvaj da katalickaha śviatoha — Bieniedykta, achoŭnika vyhnańnikaŭ. Viciebski jaŭrejski chłopčyk na rahu stahodździaŭ zaklikaŭ Boha praz San Benedetto :»Zrabi tak, kab maja pakutnaja duša chłopčyka‑zaiki abudziełasia, pakažy mnie šlach. Nie chaču być jak usie, chaču bačyć novy śviet». I, jak my bačym, — piša aŭtar,‑ San Bieniedetto, achoŭnik vandraŭnikoŭ, pačuŭ jahonuju malitvu. Mark źbieh sa svajho maleńkaha śvietu — vyklučnaha, ale abvažanaha zababonami, halečču, adstałaściu, i nakiravaŭsia ŭ cyvilizavany śviet — kab udzielničać, piša italjanski ahladalnik, ŭ Vialikaj Kastryčnickaj revalucyi. Razam z Majakoŭskim i Miejercholdam — dvuma tahačasnymi pieršaadkryvalnikami revalucyjnaha avanhardu, jon byŭ pryznačany kiraŭnikom, a zatym kamisaram pa mastackaj častcy ŭ Viciebsku, ŭ svaim rodnym horadzie. Tam razam sa svaimi studentami jon adznačyŭ pieršuju hadavinu balšavickaha Kastryčnika tym, što razmalavaŭ svaimi fihurami ŭ palocie ścieny damoŭ i zaboraŭ. Ale palityki ŭžo bolš nia lotali, jany žadali mocna ŭstalavacca na ziamli i mieć svaje partrety jak ikony sacrealizmu...»

Italjanski aŭtar ŭ patetyčnym tonie apisvaje dalejšyja pryhody Šahała: jon źbiahaje ŭ Paryž subratoŭ pa mastactvie — Matysa i Pikaso, kab zavieršyć svajo padarožža ŭ Jerusalimie. Ale, jak zaznačaje Moni Avadzia, užo «nie vandraŭnikom‑iaŭrejem chryścijanskaha praklonu, ale takim jaŭrejem,iaki byŭ aśviačany vyhnańniem ŭ vymiareńni, dzie i Jezus Chrystus jość tolki maleńkim jaŭrejem, jakoha raspnuli ŭ jahonaj samaj biezabaronnaj i apošniaj praŭdzie razam sa svaim narodam nienaviśniki čałavieka. Mark Šahał namalavaŭ i vyjaviŭ usio heta i tym samym stvaryŭ cud žyvapisnaj materyjalizacyi hetaha vyklučnaha śvietu»...Tak Fpiša aŭtar u katalickaj haziecie « Avvenire», zaprašajučy ŭsich jašče raz parazdumvać nad žyćciom ułasnaje dušy la pałocien i stampaŭ vialikaha vicieblanina.

Radyjo Vatykanu

Клас
0
Панылы сорам
0
Ха-ха
0
Ого
0
Сумна
0
Абуральна
0