Biełaruskija mastaki Aleś i Julja Šaternik adkryvajuć vystavu svaich tvoraŭ ŭ Vołš halerei universyteta Setan Chołł (štat Ńju Džersi, ZŠA). Vystava budzie ekspanavacca z 14 sakavika da 27 traŭnia 2007 hodu. Śviatočny pryjom znahody adkryćcia vystavy adbudziecca ŭ čaćvier 19 krasavika 17.00-20.00. Pryjom i vystava adčynieny dla hladačoŭ biaspłatna. Vystava składajecca z 12 tvoraŭ zroblenych alejem.

Krajavidy Alesia Šaternika jarkija i poŭnyja enerhii pradstaŭlajuć vykarystańnie mastakom kalarovych i dziejnych mazkoŭ. Jaho dačka Julja vystaŭlaje 7 svaich vobraznych tvoraŭ, jakija vyjaŭlajuć jaje talent da raŭnavahi kolaroŭ, formaŭ i linij.

Aleś i Julja Šaternik – našyja biełaruskija mastaki ź Miensku. Aleś skončyŭ Biełaruski Instytut Teatra i Mastactva ŭ 1967, a Julja Biełaruski univiersitet kultury ŭ 2004. I baćka, i dačka vystaŭlali svaje pracy ŭžo na šerahu inšych vystaŭ, a niekatoryja ź ich tvoraŭ znachodziacca ŭ šmatlikich pryvatnych i muzejnych kalekcyjach.

Na praciahu 150 hadoŭ katalicki universytet Setan Chołł spałučaje ŭ sabie lepšyja dasiahnieńni i resursy vialikaha universiteta z suśvietnymi standartami, z asablivaju ŭvahaju da studentaŭ, ich pohladaŭ i dumak.

Universitecki haradok Seton Chołł znachodzicca tolki 14 milaŭ ad Novaha Jorku i pryvablivaje šyrokimi mahčymaściami navučańnia i pracy, adpačynku i zabavy dla studentaŭ roznaha pachodžańnia i viery.

prauda.org

Клас
Панылы сорам
Ха-ха
Ого
Сумна
Абуральна