Bieraściejec Leanid Vałabujeŭ źviarnuŭsia ŭ sud z pazovam, u jakim vinavacić hazetu «Briestskij kuŕjer» u źniavazie honaru, hodnaści j dziełavoj reputacyi

U pazoŭnaj zajavie spadar Vałabujeŭ paviedamiŭ, što hazeta raspaŭsiudziła «paklopnickija źviestki», nadrukavaŭšy na svaich staronkach natatku «Piesń o Vołubujevie». Pazoŭnik patrabuje abvierhnuć tyja źviestki j kampensavać maralnyja straty na 2 miljony rubloŭ. Jon prosić taksama anulavać paśviedčańnie ab rehistracyi niezaležnaha vydańnia.

Hałoŭny redaktar vydańnia Mikałaj Alaksandraŭ źviarnuŭ uvahu na toje, što sprečnaja publikacyja źjaŭlajecca parodyjaj i źmieščanaja na humarystyčnaj staroncy. Akramia taho, pieršapačatkova jana była raspaŭsiudžanaja praź internet i nadrukavana ŭ adnym z rasiejskich časopisaŭ.

Na dumku spadara Alaksandrava, hazeta nie adkazvaje za raspaŭsiudžvańnie źviestak, što raniej źjavilisia ŭ inšych srodkach masavaj infarmacyi.

Pierad pačatkam sudovaha pasiedžańnia vyśvietliłasia, što žonka Leanida Vałabujeva źjaŭlajecca narodnym zasiadalnikam u sudzie Leninskaha rajonu Bieraścia, tamu spravu vyrašyli pieradać na razhlad u inšuju sudovuju ŭstanovu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?