Eksperty AAN apublikavali štohadovaje daśledvańnie, u jakim padsumoŭvajucca vyniki rostu nasielnictva planety i robiacca prahnozy na bližejšyja 50 hadoŭ. Zhodna ich, da 2050 hodu kolkaść ludziej na Ziamli budzie składać 9,2 młrd. čałaviek. U toj ža čas, nasielnictva Biełarusi skarocicca na 28,2% i składzie tolki 6,96 młn. čałaviek.

Pa hetym pakazčyku Biełaruś apiaredžvajuć Baŭharyja i Ukraina, dzie nasielnictva skarocicca da 2050 h. na 35,2% i 33% adpaviedna. U Rasiei hety pakazčyk praz 43 hady składzie 24,3%.

Siaredni ŭzrost nasielnictva Biełarusi źmianiajecca, zhodna spravazdačy ekspertaŭ AAN, nastupnym čynam: 1950 hod ‑‑ 27,2 hady, 2005 hod‑‑ 37,4, 2050 hod ‑‑ 49,6. Praciahłaść žyćcia pavialičycca ad 68,4 hod u 2005 h. da 75,7 u 2050 pry siarednim prahnazavanym pakazčyku ŭ śviecie 75,4 hady.

U toj ža čas eksperty adznačajuć, što ŭ pramiežku ad 2005 h. pa 2010 hod Biełaruś budzie znachodzicca na čaćviortym miescy pa tempach skaračeńnia nasielnictva, tak jak u hety peryjad u Rasiei rejtynh admoŭnaha pryrostu nasielnictva budzie bolšy.

U suśvietnych maštabach u peryjad da 2050 hodu nasielnictva Ziamli vyraście na 2,5 młrd. čałaviek dziakujučy takim krainam, jak: Indyja, Nihieryja, Pakistan, Konha i Efiopija.

Pry hetym u peryjad z 2005 pa 2050 pałovu ŭsiaho nasielnictva planety składuć žychary vaśmi ščylnanasielenych krainaŭ śvietu — Indyi, Nihieryi, Pakistanu, Konha, Efiopii, ZŠA, Banhładeš i Kitaju.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?