14 sakavika maci moładzievaha aktyvista Dzianisa Dzianisava razam z pradstaŭnikom pravaabarončaha centru «Viasna» Leanidam Śviecikam naviedali Viciebski śledčy izalatar № 2 i pieradali chłopcu ježu i niezaležnyja hazety.

«Naša niva», «Narodnaja vola», «Viciebski kurjer M» i inšyja niezaležnyja vydańni pytańniaŭ nia vyklikali, i D. Dzianisaŭ pavinien ich atrymać. A voś knihi pieradać zabaranili, spasyłajučysia na toje, što ŭ SIZA jość biblijateka. Ale, jak stała viadoma maci aryštavanaha, karystacca vydańniami ź biblijateki jejny syn pakul nia maje mahčymaści.

Pavodle Ł. Śviecika, ahulnaja vaha pieradač dasiahnuła pakul 12 kilahramaŭ, i tamu da kanca miesiaca ŭ hetym sensie jość zapas. Maci maładziona Raisa Alaksiejeŭna spadziajecca, što ŭ bližejšy čas Dzianis vyjdzie na volu pad załoh. Adpaviednuju zajavu na imia prakurora napisaŭ advakat zatrymanaha Piotra Kavalenka. Zaraz jon z dapamohaj Biełaruskaha Chielsynskaha kamitetu šukaje aŭtarytetnych paručycielaŭ i 15 młn. rubloŭ dziela zakładu. Pra vyniki pošukaŭ stanie viadoma ŭ bližejšy čas.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?