Kamunalnyja słužby padtrymali prapanovu Tavarystva biełaruskaj movy pra budaŭnictva aŭtadarohi Lubkaŭščyna‑Kunasa (kala 5 km), jakaja złučyć Staŭbcoŭski i Niaśvižski rajony Minskaj vobłaści. Zaraz vioski złučaje «daroha biez pakryćcia» ci paprostu hruntoŭka.
Pra heta havorycca ŭ adkazie kiraŭnictva pradpryjemstva «Minskabłdarbud» staršyni TBM Alehu Trusavu. Praŭda, u liście adznačajecca, što sioleta pabudavać darohu nie atrymajecca, pakolki płany na 2007 hod byli zaćvierdžanyja jašče letaś.
A voś u nastupnym hodzie, pry nieabchodnym finansavańni, budaŭnictva moža pačacca. Tym nie mienš, sioleta budzie zroblena prajektna‑kaštarysnaja dakumientacyja pa hetym prajekcie.
Pa słovach Trusava, kiraŭnictva TBM źviarnułasia ŭ Minski abłvykankam z prapanovaj złučyć «narmalnaj darohaj» Staŭbcoŭski i Niaśvižski rajony, kab u hod 125‑hodździa z dnia naradžeńnia Narodnaha paeta Jakuba Kołasa ludzi mahli bieśpieraškodna naviedvać Kołasaŭski zakaźnik, dzie znachodzicca mastacka‑miemaryjalny kompleks «Šlach Kołasa», miescy jaho dziacinstva i junactva, a taksama filijał Litaraturna‑miemaryjalnaha muzieja Kołasa.
 |
| Fota Anatola Kleščuka |
