U 1899 hadu pa rasparažeńniu carkoŭnaha načalstva, biez usiakaj prośby sa starany mužykoŭ, adździalili niekalki viosak z Čyžoŭskaj parafii: Kurnašava, Kejły, Lenieva, Łuščy i Lady, i zrabili ź ich asobnuju parafiju «Kurnašaŭskuju». Mužyki lubili i staruju parafiju, i staryja mohiłki, hdzie adpačyvajuć ich blizkija i rodnyja, baćki i dziedy, a zatym pry ŭsiakaj carkoŭnaj patrebie chililisia da staraj parafii.
Siem hadoŭ užo kłapociacca mužyki, kab ich iznoŭ prypisali da staraj carkvy. Pisali jany žałaby da ŭsich duchoŭnych načalnikaŭ, jeździli da ober‑prakurora synodu Pabiedanoscava, padavali prašeńnie i caru. Usio darma.
Kali hienerał‑hubernatar nia zvažyć ich prośby i nie prypišać da staraj carkvy, to jany piarojduć abo ŭ katalictva, abo ŭ jakuju‑niebudź druhuju vieru.
