RVUP «Hrodzienskaja tytuniovaja fabryka «Nioman» u II kvartale biahučaha hoda pačnie vytvorčaść cyharet «Pall Mall» na kantraktnaj asnovie dla British American Tobacco (BAT). Ab hetym paviedamiŭ dyrektar ZP «Brytyš‑Amierykan Tabaka Trejdynh Kompani» Eduard Hramovič 14 sakavika na pres‑kanfierencyi ŭ Minsku.
U III kvartale biahučaha hoda na fabrycy płanujecca zapuścić vytvorčaść jašče adnoj marki VAT — «Lucky Strike». «Heta našy stratehičnyja marki, na jakija my tracim šmat namahańniaŭ, — adznačyŭ Eduard Hramovič. — U toj ža čas ciapier u nas niama mahčymaści impartavać ich u krainu z‑za taho, što nie chapaje kvoty».
Ciapier na Hrodzienskaj tytuniovaj fabrycy «Nioman» viadziecca ŭstanoŭka abstalavańnia, nieabchodnaha dla vypusku cyharet takoha kłasa. «Poŭnaściu novaja linija budzie hatova da vypusku cyharet u pačatku maja», — skazaŭ Eduard Hramovič.
Nahadajem, što ciapier Hrodzienskaja tytuniovaja fabryka «Nioman» vypuskaje na kantraktnaj asnovie z ZP «Brytyš‑Amierykan Tabaka Trejdynh Kompani» mižnarodnyja marki cyharet «Alliance» i «Viceroy». Vytvorčaść cyharet «Alliance» pačata ŭ lipieni 2005 hoda, «Viceroy» — u červieni 2006‑ha.
Jak paviedamiŭ karespandentu BIEŁTA Eduard Hramovič, u pierśpiektyvie British American Tobacco płanuje pašyrać vytvorčaść svaich marak na miascovych mahutnaściach. Tak, u vypadku, kali ŭ krainie nie buduć admienieny kvoty na impart cyharet, u pieršym kvartale budučaha hoda BAT hatovy pačać vytvorčaść na HTF «Nioman» cyharet «Kent». «U budučym, kali kvoty nie buduć admienieny, 80‑90 pracentaŭ našaha partfiela budzie vyrablacca ŭ Biełarusi», — skazaŭ jon.
British Amerisan Tobacco — druhaja pa vieličyni mižnarodnaja tytuniovaja kampanija z hłabalnaj dolaj rynku, jakaja składaje 14,6 pracenta. Joj naležyć bolš jak 300 marak cyharet, siarod jakich «Lucky Strike», «Kent», «Dunhill», «Pall Mall», «Vogue», «Java». U Biełarusi BAT pracuje z 1995 hoda. Ciapier jaje dola na rynku tytuniovych vyrabaŭ krainy składaje 12 pracentaŭ. U siehmiencie darahich cyharet u Biełarusi dola kampanii dasiahaje 50 pracentaŭ.
HTF «Nioman» pracuje z 1861 hoda. U studzieni‑lutym 2007 hoda pradpryjemstva vypuściła 1,95 młrd. štuk cyharet, što na 24,4 pracenta bolš, čym u anałahičnym pieryjadzie minułaha hoda.
