Start u padrychtoŭcy da štohadovaha bujniejšaha muzyčnaha festu «Basovišča» dadzieny! Pryz u 650 złotych (kala 200 dalaraŭ) atrymaje aŭtar lepšaha łahatypu da «Basovišča‑2007».Łahatyp na konkurs musić być adaptavany da troch vidaŭ tradycyjnaj pradukcyi na «Basoviščy»: płakat, značak, majka.
Dapuskajecca peŭnaje adroźnieńnie vyjavaŭ na hetych troch nośbitach, ale jany musiać być u adnym styłi. Pracy prymajucca ŭ viektarnym farmacie (cdr, ai, eps) da 20 krasavika na adras: [email protected]. Vitajecca adaptacyja łahatypu jak da łacinki, tak i da kiryłicy.
U minułym hodzie pieramohu ŭ konkursie atrymaŭ Pradstaŭnik Rekłamnaj hrupy Adłiha Wiecier Mechaniczny. Uznaharodžańnie pieramožcy sioletniaha konkursu adbudziecca napasredna na «Basoviščy‑2007».
Kamanda BASu ŭžo raspačała padrychtoŭku da vasiemnaccataha fiestyvalu «Basovišča». Jak paviedamiŭ Staršynia BAS Radek Dambroŭski, zaraz idzie praca pa farmavanni składu žury jak adboračnaha turu ŭ Biełarusi, tak i niepasredna samoha festu ŭ kancy łipienia ŭ Haradku.
U błižejšy čas budzie abvieščany pryjom zajavak na ŭdzieł u konkursnaj častcy festu dla maładych biełaruskich hurtoŭ. A sam Radek płanuje naviedacca ŭ Biełaruś, kab praciahnuć pieramovy ź biełaruskimi partniorami.
Sioleta fest moža z poŭnym pravam i razmacham śviatkavać svajo paŭnahoddzie – «Basovišča» zbiraje biełaruskich muzykaŭ i addanych słuchačoŭ/hledačoŭ/fenaŭ užo vasiemnaccaty hod.
