Herbert, Źbihnieŭ. Rapart z horadu ŭ abłozie. Vybranyja tvory. / Układalnik i redaktar: Andrej Chadanovič. – Wroclaw, Kolegium Europy Wschodniej im. Jana Nowaka?Jezioranskiego, 2006. — 300 s.
U pradmovie da knihi Maryna Kazłoŭskaja piša: «[Źbihnieŭ Herbert] Naradziŭsia ŭ Lvovie, pra jaki ŭsio žyćcio mroiŭ, nie aśmielvajučysia, adnak, vymavić uhołas imia svajho Horadu. Usio žyćcio vučyŭsia. (...) Šukaŭ sensu ŭ śviecie stračanych sensaŭ. Mudraściu pamnažaŭ skruchu. Byŭ z pakaleńnia, jakoje źviedała apakalipsis. Na ŭłasnyja vočy bačyŭ biezdań čałaviečaha padzieńnia. I baraniŭ Čałavieka».
Herbert pakinuŭ nam svajo Dzieviaciknižža. Pasłańnie Pana Herberta.
Źbihnieŭ Herbert «viedaŭ, što słova zanadta słaboje, kab niešta źmianić. I źmianiaŭ śviet słovam».
Miłaš, Česłaŭ. Inšaha kanca śvietu nia budzie: Vybranyja tvory. / Układalnik i redaktar: Andrej Chadanovič. – Wroclaw, Kolegium Europy Wschodniej im. Jana Nowaka-Jezioranskiego, 2006. — 352 s.
«U 1987 h., kali ja ŭpieršyniu pračytaŭ u Encyclopedia Britannika pra jahony Skuty rozum, mnie było ciažka pavieryć, što jon jašče žyvy, — piša ŭ pradmovie Ihar Babkoŭ. — (...) Miłaš prychodziŭ hościem adtul, ź minułaha, jakoje mahło zdarycca z nami — kali b my zachacieli. A mahčyma, i zdaryłasia, tolki my pra heta nie pamiatali, u našych chruščoŭskich dvorykach, siarod sałodkaha ampira imperskich uskrainaŭ, dzie ŭžo daŭno ničoha nie adbyvałasia».
Jak i ŭ knizie Źbihnieva Herberta, teksty iduć paralelna pa-polsku i pa-biełarusku.
Chafner, Sebaścijan. Historyja adnaho niemca. Uspaminy 1914?1933. / Pier. ź niamieckaj Jaŭhiena Białasina. — Miensk, 2006. — 276 s.
Bialorus trudna droga do demokracji. – Wroclaw, Kolegium Europy Wschodniej im. Jana Nowaka?Jezioranskiego, 2006. 150 c.
U knihu ŭvajšli artykuły na biahučyja prablemy Alaksandra Milinkieviča, Stanisłava Šuškieviča, Alaksandra Kazulina, Alaksandra Vajtoviča, Viačasłava Chadasoŭskaha, Tadevuša Havina, Jaŭhiena Miranoviča dy inš. Pradmovu napisaŭ Mikoła Ivanoŭ.
