Na vieraśnioŭskich parłamienckich vybarach Partyja BNF maje namier vyłučyć 30—40 kandydataŭ u deputaty. Ab hetym było zajaŭlena na pasiadžeńni sajma partyi 29 krasavika ŭ Minsku.

26 čałaviek užo dali piersanalnuju zhodu na vyłučeńnie kandydatami u deputaty, jašče 12 pakul razvažajuć.

U liku tych, chto pretenduje na deputacki mandat, lidar partyi Alaksiej Janukievič i jaho namieśnik Ryhor Kastusioŭ, eks-kandydat u prezidenty na vybarach 2010 hoda.
Pavodle słoŭ Kastusiova, praces padrychtoŭki da ŭdziełu ŭ vybarčaj kampanii ŭžo idzie: stvorany vybarčy štab, raspracoŭvajucca ŭlotki partyjnych kandydataŭ, płanujecca padrychtoŭka kandydataŭ da vystupleńnia na telebačańni.

Janukievič paviedamiŭ, što na nastupnym tydni adbuducca kansultacyi "kaalicyi šaści", u jakuju akramia Partyi BNF uvachodziać Abjadnanaja hramadzianskaja partyi, Biełaruskaja partyja levych "Spraviadlivy śviet", arhkamitet pa stvareńni partyi "Biełaruskaja chryścijanskaja demakratyja", ruch "Za Svabodu" i hramadzianskaja kampanija "Havary praŭdu!". Na sustrečy budzie abmiarkoŭvacca ŭ tym liku pytańnie ab raspracoŭcy adzinaha pasłańnia demakratyčnych sił na parłamienckich vybarach.

"Na adzinaje pasłańnie budzie vyjści vielmi składana, bo isnujuć roznyja padychody da ŭdziełu ŭ vybarčaj kampanii, ad bajkotu da ŭdziełu ŭ vybarach da kanca. Adnak niekatoryja momanty, jakija tyčacca, naprykład, acenki vybarčaha pracesu, možna było b uzhadnić", — ličyć Janukievič.

Rašeńnie ab udziele ŭ parłamienckich vybarach Partyja BNF pryniała na pasiadžeńni sojma 28 studzienia. Partyja maje namier vyłučać svaich kandydataŭ u deputaty, ale pakidaje za saboj prava źniać ich za niekalki dzion da hałasavańnia.

"Kali da pačatku daterminovaha hałasavańnia ŭ krainie zastanucca palitźniavolenyja i kali ŭsie našy pradstaŭniki nie buduć uklučany va ŭčastkovyja vybarčyja kamisii, my zdymiem svaich kandydataŭ z vybaraŭ", —
zajaŭlaŭ Janukievič.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?