«Prajazdžajučy kala 19:00 adnoj ź viaskovych vulic, kiroŭca, miarkujučy pa ŭsim, straciŭ pilnaść, — raskazała Natalla Sacharčuk, načalnik adździaleńnia ahitacyi i prapahandy DAI Bresckaj vobłaści. — Tamu nie zaŭvažyŭ, jak na jaho darozie paŭstała apora linii elektrapieradač. Brestaŭčaninu (1977 h. n.), jaki znachodziŭsia za rulom Audi 100, udałosia paźbiehnuć sutyknieńnia sa słupom piaredniaj častki aŭtamabila — jon paśpieŭ zreahavać. Adnak mašyna začapiła pieraškodu zadnimi kołami i stała niekiravalnaj».

«Adrazu paśla niamocnaha sutyknieńnia Audi raźviarnuła ŭ procilehłym napramku, — apisała dalejšyja padziei Natalla Sacharčuk. — Lehkavuška ŭrezałasia ŭ pryparkavany Nissan Primera. Adrazu za im stajali i razmaŭlali dźvie žančyny. Usio adbyłosia zanadta imkliva, i jany nie paśpieli adskočyć. Ad udaru z Nissan bieskantrolnuju mašynu adkinuła prosta na piešachodaŭ. U vyniku abiedźvie miascovyja žycharki (1972 i 1975 h. n.) paciarpieli. Ich dastavili ŭ balnicu. Paśla miedycynskaha abśledavańnia vyjaviłasia, što ŭ adnoj złamanyja palcy, u druhoj — naha».

Kiroŭca i pasažyr Audi nie atrymali traŭmaŭ. «Jak vyjaviłasia, jany byli pryšpilenyja, — zaŭvažyli ŭ DAI. —

Paźniej vyśvietliłasia, što abodva znachodzilisia ŭ stanie ałkaholnaha apjanieńnia.
U mužčyny, jaki kiravaŭ mašynaj, vyjavili 1,3 pramile, u jaho tavaryša — 1,0».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?