Nacyjanalny bank Biełarusi raspracoŭvaje prapanovy pa stymulavańni vykarystańnia bankaŭskich płastykavych kartak,zajaviŭ 15 maja na
«Raspracoŭvajecca šerah prapanoŭ pa ekanamičnym stymulavańni subjektaŭ, u pryvatnaści, handlu, pa vykarystańni płastykavych kartak. Nacbank aktyŭna razhladaje ciapier hetyja pytańni, pravodzić kansultacyi ŭ Minhandlu», — skazaŭ Dubkoŭ.
Pry hetym jon adznačyŭ, što pierśpiektyvy raźvićcia sistem bieznajaŭnych raźlikaŭ treba razhladać kompleksna, bo razmova idzie nie tolki ab samoj płastykavaj kartcy, ale i ab terminałach dla vykanańnia adpaviednych apieracyj, telekamunikacyjach.
«Da tych por, pakul handal i subjekty, jakija pradastaŭlajuć pasłuhi, nie buduć realna ekanamična zacikaŭleny ŭ vykarystańni płastykavych kartak, ruch u hetym kirunku budzie abmiežavany. Na rynku ŭ nas jość kankurencyja, nieabchodnaja infrastruktura, telekamunikacyi, staić pytańnie, kab napoŭnić hetyja adnosiny realnym ekanamičnym źmiestam», — dadaŭ namieśnik staršyni praŭleńnia Nacbanka.
Pavodle źviestak Nacbanka, na 1 krasavika 2012 hoda 23 banki Biełarusi emitavali bankaŭskija płastykavyja kartki ŭnutranych, mižnarodnych i ŭnutranych pryvatnych płaciežnych sistem.
Kolkaść bankaŭskich płastykavych kartak, jakija znachodziacca ŭ abaračeńni, pa stanie na 1 krasavika 2012 hoda skłała 9 młn. 817,7 tys., u tym liku 4 młn. 550,1 tys. kartak sistemy «BiełKart», 5 młn. 266,9 tys. kartak mižnarodnych płaciežnych sistem.
U Biełarusi ŭstanoŭlena 3.383 bankamaty, 3.207 infakijoskaŭ i 80 impryntaraŭ, 28.067 arhanizacyj handlu (servisu) asnaščany 43.777 płaciežnymi terminałami.
Za pieršy kvartał 2012 hoda na terytoryi Biełarusi ažyćcioŭlena 153.619.455 apieracyj z vykarystańniem bankaŭskich płastykavych kartak u biełaruskich rublach na sumu 31.902.413 młn. rubloŭ. Udzielnaja vaha bieznajaŭnych apieracyj u ahulnaj kolkaści apieracyj z vykarystańniem bankaŭskich płastykavych kartak skłała 60,8%, a ŭ sumarnym vyražeńni — 19,2%.
Ahulnaja kolkaść apieracyj u zamiežnaj valucie za pieršy kvartał 2012 hoda skłała 751.725 apieracyj na sumu 337 młn. 303,1 tys. dołaraŭ ZŠA. Udzielnaja vaha bieznajaŭnych apieracyj u ahulnaj kolkaści apieracyj z vykarystańniem kartak u zamiežnaj valucie skłała 22,2%, a ŭ sumarnym vyražeńni — 9,4%.
