Ježy Buzek zaklikaje kiraŭnictva Polskaha chakiejnaha sajuza (PZHL) zaniacca pytańniem pazbaŭleńnia Biełarusi prava na arhanizacyju Čempijanatu śvietu pa chakieju 2014 hoda.
Były kiraŭnik Jeŭraparłamienta źviarnuŭsia da staršyni polskaha chakiejnaha sajuza Ździsłava Inhialeviča z prośbaju zaniacca hetaj spravaŭ na Kanhresie Mižnarodnaj fiederacyi chakieja, jaki pačynajecca ŭ čaćvier u Chielsinki.
Buzek nahadaŭ, što režym Łukašenki parušaje asnoŭnyja pravy čałavieka, tamu jon zaklikaje pieranieści čempijanat ź Biełarusi da momantu, pakul buduć vyzvalenyja ŭsie palitviaźni.
List Ježy Buzeka staŭ reakcyjaj na fakt, što Polski chakiejny sajuz za niekalki dzion da kanhresu ŭsio ž nie zaniaŭ pazicyi pa spravie Biełarusi i da hetaha času nie atrymaŭ rekamiendacyjaŭ ad Ministerstva sportu i MZS.
Nahadvajem, udzielniki kanhresu ŭ Chielsinki, dzie idzie čempijanat śvietu, pry kancy tydnia pavinny farmalna razhledzieć mahčymaść pieranosu ČS u Biełarusi.
