Jak paviedamlaje auto.onliner.by, zatrymany vadziciel «Mersedesa», jaki ŭciok ad pahoni DAI ŭ centry Minska 27 sakavika. Partał spasyłajecca na
Nahadajem, prykładna ŭ 14 hadzin 27 chvilin na praśpiekcie Pieramožcaŭ u Minsku vadziciel aŭtamabila «Mersedes Bienc 400» ciomnaha koleru nie vykanaŭ patrabavańnie inśpiektara DAI spynicca i pradoŭžyŭ ruch. Milicyja pačała pieraśled.
- Vadziciel «Mersedesa» z praśpiekta Pieramožcaŭ paviarnuŭ na vulicu Arłoŭskuju i ruchaŭsia pa joj na vysokaj chutkaści, hruba parušajučy Praviły darožnaha ruchu. Na płoščy Banhałor jon vyjechaŭ za miežy prajeznaj častki praz bardziurny kamień na tratuar i ruchaŭsia pa im. Dalej jon praciahnuŭ ruch pa vulicy Surhanava da skryžavańnia z vulicaj Kujbyšava, a paśla pa Kujbyšava da vulicy Kulman. Nastupny maršrut «lichača» prachodziŭ praz vulicy Kulman, Jakuba Kołasa, Chmialnickaha. Tam jon znoŭ vyjechaŭ za miežy prajeznaj častki i kala kinateatra «Kastryčnik» źjechaŭ na praśpiekt Niezaležnaści i nakiravaŭsia ŭ bok kalcavoj aŭtadarohi. U DAI asobna padkreślili, što tabielnaja zbroja supracoŭnikami milicyi nie vykarystoŭvałasia, bo na zadnim siadzieńni aŭtamabila znachodziłasia žančyna ź dziciem. Raniej paviedamlałasia, što na zadnim siadzieńni mašyny byli dźvie žančyny.
30 sakavika HUUS Minharvykankama paviedamiła, što mašyna była znojdzienaja ŭ dvary doma 52 pa vulicy Hierasimienki ŭ Minsku. Supracoŭnikami DAI aŭto evakujavana na štrafstajanku. Uładalnik aŭtamašyny ciapier znachodzicca ŭ Rasii. Jon raskazaŭ, što «Mersedes», jaki jamu naležaŭ, byŭ pradadzieny nahladna znajomamu biez adpaviednaha afarmleńnia ździełki.
Pavodle najaŭnaj u milicyi infarmacyi, u apošni čas «Mersedes» ekspłuatavali niekalki čałaviek. «Ciapier pravaachoŭniki pravodziać pravieračnyja mierapryjemstvy, skiravanyja na ŭstanaŭleńnie adnosin peŭnaj asoby da ŭčynieńnia sieryi hrubych parušeńniaŭ PDR u sieradu ŭ centralnaj častcy Minska», — havaryłasia ŭ paviedamleńni staličnaj milicyi 30 sakavika.
auto.onliner.by paviedamlaje, što28-hadovy minčuk, jaki kiravaŭ «Mersedesam», 26 sakavika ŭciok z papraŭčaj ustanovy adkrytaha typu. Chto byŭ u sałonie mašyny, nie paviedamlajecca.
