«Pa canie aŭtamabila mahu skazać nastupnaje. Heta praces dvuchbakovy, tamu što ciapier usia naša liniejka Ford — heta mašyny tolki jeŭrapiejskaj vytvorčaści, i my pracujem z vytvorcami i pastaŭščykami ŭ tym kirunku, kab damahčysia bolš prymalnych cen. I paralelna viadziem pieramovy z rasijskimi vytvorcami pra toje, kab atrymlivać aŭtamabili rasijskaj zborki. Ad jeŭrapiejskich mašyn my admaŭlacca kateharyčna nie budziem. Budziem pradstaŭlać uvieś šerah madelaŭ Ford. U tym liku buduć pradavacca adnolkavyja madeli rasijskaj i jeŭrapiejskaj vytvorčaści. Klijenty ŭžo sami buduć vybirać, jeŭrapiejski aŭtamabil abo rasijski. Ceny buduć adroźnivacca adsotkaŭ na 10», — skazaŭ na zakančeńnie Jelistrataŭ.
Darečy, užo z 15 maja harantyja na aŭtamabili Ford, pradadzienyja kampanij, pavialičvajecca z dvuch da piaci hadoŭ. U kampanii abiacajuć, što dadatkova budzie raspracavanaja śpiecyjalnaja harantyjnaja prahrama, jakaja budzie dziejničać dla pakupnikoŭ, što nabyli mašynu da hetaj daty.
Darečy, litaralna ŭ hetyja vychodnyja z kamandziroŭki viarnułasia servisnaja kamanda Ford, jakaja zavajavała tytuł «Miechanik hoda» na jeŭrapiejskich spabornictvach Ford, što prachodzili ŭ Budapiešcie. Biełaruskaja kamanda zaniała pieršaje miesca ŭžo druhi hod zapar.
