«Ja vykazaŭ krytyčny pohlad na mnostva płanaŭ biełaruskaj apazicyi, jakija časta supiarečać adzin adnamu i dublujucca. Vykazaŭsia nie suprać ich padtrymki, a tolki suprać mnostva płanaŭ, jakija pakul nie dajuć adčuvalnych vynikaŭ»,— zajaviŭ ministr zamiežnych spraŭ Litvy Aŭdronius Ažubalis, kamientujučy ahienctvu BNS svaje niadaŭnija vykazvańni.
«Jak ja asabista, tak i Ministerstva zamiežnych spraŭ pad maim kiraŭnictvam zaŭsiody pracavali i pracujem, prykładajučy maksimalnyja namahańni dla taho, kab demakratyčnyja pracesy ŭ Biełarusi stali niezvarotnymi — datyčycca heta supracoŭnictva z hramadzianskaj supolnaściu, apazicyi ci našaj pracy ź mižnarodnymi partniorami pa hetym pytańni», — skazaŭ kiraŭnik litoŭskaha źniešniepalityčnaha viedamstva.
Nahadajem, u intervju niaŭradavaj arhanizacyi Carnegie Europe Ažubalis zajaviŭ, što «stamiŭsia ad usich płanaŭ pa padtrymcy apazicyi ŭ Biełarusi». «Apazicyja razdroblena. U jaje niama nijakaj vyraznaj linii pa padrychtoŭcy da nastupnych vybaraŭ. Ja baču adzin, davoli adčajny šlach. Razam z našymi siabrami ŭ Amierycy nam treba pačynać dumać pra pierachodny saviet. My pavinny stvaryć alternatyŭny centr siły. Takaja paralelnaja struktura mahła b znajści vodhuk u krainie. Heta ideja, ale pakul ja nie atrymaŭ nijakaj reakcyi na jaje z Brusiela», — zaŭvažyŭ litoŭski ministr.
Vykazvańnie Ažubalisa vyklikała reakcyju aficyjnaha Minska i biełaruskaj apazicyi.
U svaju čarhu lidar Abjadnanaj hramadzianskaj partyi Anatol Labiedźka zajaviŭ, što słovy pra «niejkaje zamiežnaje finansavańnie biełaruskaj apazicyi vializna pierabolšany». «Dumaju, havorka idzie pra padtrymku ŚMI, pravaabarončych i niaŭradavych arhanizacyj. Ale heta nie zusim palityčnaja apazicyja, a hramadzianskaja supolnaść», — adznačyŭ lidar apazicyjnaj partyi.
Razam z tym Labiedźka «bačyć racyjanalnuju prapanovu» ŭ vykazvańni Ažubalisa ab stvareńni alternatyŭnaha centra. «Ja dumaju, heta praciah taho, što jon abviaściŭ ab pracy nad postłukašenkaŭskaj Biełaruśsiu. Mnie taki padychod impanuje. Treba pierastać uvieś čas ahladacca na Łukašenku i ŭładu, treba surjozna pracavać z hramadzianskaj supolnaściu, farmulavać postłukašenkaŭskuju alternatyvu, kab ludzi jaje viedali i padtrymlivali», — skazaŭ palityk.
Dniami ŭ Vilni adbyŭsia schod arhkamiteta pa stvareńni pierachodnaha ŭrada Biełarusi.Stvaralnikami arhkamiteta vystupajuć biełaruskija emihranty, ale jaho kaściak znachodzicca ŭ Biełarusi, paviedamiŭ ŚMI były kamandzir
