17.05.2012
/ 11:14 / Ałharytmičny łacinski varyjant
Hienieralnaha dyrektara «Viciazia» mohuć zvolnić za niajaŭku na pasiedžańnie harvykankama
Upraŭleńnie ekanomiki harvykankama pavinnaje chadajničać pierad Ministerstvam pramysłovaści Respubliki Biełaruś i abłvykankamam ab pryniaćci mier u dačynieńni da hienieralnaha dyrektara AAT «Viciaź» Valeryja Nikifarava
«za niezabiaśpiečańnie stabilnaj raboty pradpryjemstva, ihnaravańnie daručeńniaŭ harvykankama» — kiraŭnik telezavoda nie źjaviŭsia na pasiedžańnie harvykankama. Pra heta havorycca ŭ rašeńni haradskoha vykanaŭčaha kamiteta «Ab vynikach raboty narodna-haspadarčaha kompleksu horada Viciebska, vykanańni haradskoha biudžetu ŭ studzieni-sakaviku 2012 hoda».
Akramia taho ŭ dakumiencie pieraličvajucca kiraŭniki niekalkich dziasiatkaŭ viciebskich pradpryjemstvaŭ, jakim varta «ŭkazać na niedastatkovuju arhanizacyjnuju pracu». Siarod ich, naprykład, baćka i syn Martynavy, a taksama sp. Sumaniejeŭ. Akazvajecca, STAA «Marka» i ČP «San Marka» nie vykanali zadańni pa naroščvańni abjomaŭ vytvorčaści asnoŭnych pazicyj tavaraŭ-pradstaŭnikoŭ. STAA «Marka», da taho ž, drenna ekanomić elektraenierhiju, a ŭ STAA «Biełviest» prablemy sa źnižeńniem zapasaŭ hatovaj pradukcyi.
Taksama ŭkazana na niedastatkovuju arhanizacyjnuju pracu kiraŭnikam administracyj rajonaŭ Viciebska Hrabniovu, Arłovu, Panfiłavu, pieršamu namieśniku staršyni harvykankama Miarkušavu i cełamu šerahu čynoŭnikaŭ ranham nižej.
U cełym dakumient, pobač z zachavańniem stanoŭčaj dynamiki raźvićcia asnoŭnych halin ekanomiki Viciebska i niedapuščeńniem sacyjalnaj napružanaści na rynku pracy, adznačaje «nievykanańnie šerahu pakazčykaŭ prahnozu sacyjalna-ekanamičnaha raźvićcia horada, daviedzienych na 2012 hod, u tym liku i ŭ razrezie administracyj rajonaŭ horada» .
news.vitebsk.cc
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
