Skandał, źviazany ź dziejnaściu DU «Barysaŭskaje ekspłuatacyjnaje ŭpraŭleńnie Uzbrojenych Sił», jakoje rasparadžajecca žyllovym fondam vajennych haradkoŭ u Barysavie Minskaj vobłaści, razhareŭsia hod tamu. Mienavita tady ŭ dačynieńni da juryskonsulta vajennaj ustanovy była zaviedzienaja kryminalnaja sprava pa prykmietach ździajśnieńnia im ašukanskich dziejańniaŭ u dačynieńni da vialikaj kolkaści siemjaŭ byłych i ciapierašnich vajskoŭcaŭ i ich siemjaŭ.
Ciaham hoda nijakaj infarmacyi pa hetaj spravie nie davali. Tolki ŭ Barysavie čutkami ziamla poŭniłasia, i paciarpiełyja ad juryskonsulta ludzi abivali parohi roznych vajennych i nie tolki viedamstvaŭ, sprabujučy znajści abaronu. Bo vajenny juryst dziejničaŭ ad imia Uzbrojenych Sił Biełarusi i vydavaŭ adpaviednyja dakumienty. Try hady nichto nie bačyŭ u jaho dziejańniach padvochu, pakul praŭda narešcie nie adkryłasia. Ciapier śledstva pa skandalnaj spravie faktyčna zavieršanaje, i śledčyja kažuć, što dziejańni vajennaha jurysta nanieśli nie tolki vielizarnuju škodu dziaržaŭnym intaresam, ale i surjozna padarvali aŭtarytet dziaržaŭnaj ułady i Uzbrojenych Sił Biełarusi.
Padčas rasśledavańnia vyśvietlili, što juryskonsult DU «Barysaŭskaje ekspłuatacyjnaje ŭpraŭleńnie Uzbrojenych Sił» ź listapada 2007 hoda pa śniežań 2010 hoda, znachodziačysia pa miescy pracy i ŭ inšych miescach horada Barysava, zavałodaŭ ašukanskim sposabam hrašovymi srodkami 54 hramadzian u sumie bolš za 173 miljony rubloŭ.
Hrošy pieradavalisia vajennamu jurystu dla apłaty za pryvatyzacyju žylla, ale vykarystoŭvalisia zusim dla inšych metaŭ. Praściej kažučy, juryskonsult prysvojvaŭ usie hrošy, zamiest taho kab pieraličvać na raźlikovy rachunak Barysaŭskaha rajvykankama.
Dalej, dakładna viedajučy pra niepastupleńni nazvanych hrašovych srodkaŭ na raźlikovy rachunak Barysaŭskaha rajvykankama, juryskonsult niezakonna składaŭ ad imia DU «Barysaŭskaje ekspłuatacyjnaje ŭpraŭleńnie Uzbrojenych Sił» damovy
U vyniku rasśledavańnia vajennamu jurystu inkryminavanaje złačynstva pa dvuch artykułach Kryminalnaha kodeksa Biełarusi — č.4 art.209 (machlarstva ŭ asabliva bujnym pamiery) i č.3 art.424 (złoŭžyvańnie ŭładaj abo słužbovymi paŭnamoctvami).
Najbližejšym časam kryminalnaja sprava maje być pieradadzienaja ŭ sud, jaki i vyrašyć, nakolki abhruntavanyja pretenzii śledstva.
