Karespandentku «Viciebskaha kurjera» Juliju Kanaplovu zatrymali 20 maja na padjeździe da Oršy.

Milicyja skanfiskavała 8 sihnalnych asobnikaŭ novaha časopisa «Poł palityki», a taksama 200 asobnikaŭ śpiecvypusku komiksaŭ «Ab miascovym samakiravańni», vydaviec jakich — inicyjatyva «Naš dom». Kanaplova ciažarnaja, na 8-m miesiacy.

Supracoŭniki DAI spynili aŭtamabil Kanaplovaj a 15.40 na trasie M1, jak tolki toj zajechaŭ na terytoryju Aršanskaha rajona. Kanaplovaj zahadali jechać u aršanskuju milicyju. Pryčynu zatrymańnia nie patłumačyli.

«Choć kanfiskavanyja materyjały nie padpadajuć pad pałažeńni ab ŚMI (komiksy nie źjaŭlajucca pieryjadyčnym vydańniem), u pratakole pra administracyjnaje pravaparušeńnie małodšy lejtenant milicyi Uładzimir Łaryn napisaŭ, što žurnalistka parušyła artykuł 29/9 č. 2 KoAP (niezakonny raspaŭsiud drukavanych srodkaŭ masavaj infarmacyi na terytoryi Respubliki Biełaruś)», — adznačajecca ŭ paviedamleńni. Razbor doŭžyŭsia try hadziny.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?