Alaksandr Łukašenka ŭručyŭ siońnia dziaržaŭnyja ŭznaharody zasłužanym ludziam krainy.

«Hanarovyja zvańni, ordeny i miedali vy atrymlivajecie za vydatnyja zasłuhi pierad radzimaj i narodam. Heta stymuł dla jašče bolšych pośpiechaŭ u budučyni, — skazaŭ jon. — Pierakanany, dla luboha z nas hałoŭnaja meta — dabrabyt i roskvit rodnaj krainy, ščaście blizkich i ŭpeŭnienaść u zaŭtrašnim dni. Bo ŭsie my pracujem dziela hetaha».

Jak adznačyŭ Łukašenka, dziaržava aktyŭna raźvivajecca, na novyja ŭzroŭni vychodzić ekanomika, sacyjalnaja, technałahičnaja i vytvorčaja śfiery. «I razam my zdolny dasiahnuć lubych vyšyń, pieraadoleć lubyja ciažkaści», — upeŭnieny jon.

Dziaržaŭnyja ŭznaharody byli ŭručany supracoŭnikam AAT «Minski aŭtamabilny zavod» vytvorčaha abjadnańnia «BiełaŭtaMAZ».
«Heta adno z bujniejšych u SND mašynabudaŭničych pradpryjemstvaŭ. Pradukcyja jaho viadoma daloka za miežami Biełarusi, i popyt na jaje raście, asvojvajucca ŭsio novyja rynki. Ličby havorać sami za siabie. Abjom źniešniaha handlu «BiełaŭtaMAZa» za 2011 hod vyras amal na 200%" , — adznačyŭ Łukašenka.

Pavodle jaho słoŭ, składalniki hetaha pośpiechu — razumnaja arhanizacyja pracy, dbajnaje staŭleńnie da resursaŭ, ukaranieńnie racyjanalizatarskich prapanoŭ. «Hramadskaje pryznańnie, jakoje vy pa pravu zasłužyli, pavinna stać aryjenciram dla našych vytvorcaŭ. Im varta raŭniacca mienavita na vas», — padkreśliŭ Łukašenka.

Siarod uznaharodžanych taksama pradstaŭniki savieta respubliki nacyjanalnaha schodu Biełarusi.
«Plonna ŭdaskanalvajučy zakanadaŭčuju bazu našaj dziaržavy, vy aktyŭna sadziejničajecie vyrašeńniu šyrokaha koła hramadskich prablem. Heta pytańni pracoŭnaj dyscypliny, zaniataści, udaskanaleńnie sistemy achovy zdaroŭja, achova maciarynstva i dziacinstva, padtrymka talenavitaj moładzi. Nie zastajucca pa-za śfieraj vašaj uvahi adukacyja, navuka, aktyvizacyja intehracyjnych pracesaŭ i raźvićcia mižnarodnaha supracoŭnictva», — adznačyŭ Alaksandr Łukašenka.
Dziaržaŭnych uznaharod udastojeny i lepšyja pradstaŭniki sudziejskaha korpusa Biełarusi,
jakija svajoj adkaznaj rabotaj zabiaśpiečvajuć pryncypy zakonnaści, apieratyŭnaj kvalifikavanaj sudovaj abarony. «Niemały ŭkład unieśli vy ŭ pavyšeńnie pravavoj daśviedčanaści i kultury nasielnictva. Vašymi namahańniami zabiaśpiečvajecca adpaviednaść pravavych aktaŭ hałoŭnamu zakonu krainy — Kanstytucyi», — adznačyŭ jon.
Alaksandr Łukašenka taksama ŭručyŭ dziaržuznaharody vialikaj hrupie vajennasłužačych:
«Vy zabiaśpiečvajecie vysokuju hatoŭnaść da abarony našaj Radzimy, adstojvajecie jaje biaśpieku i terytaryjalnuju cełasnaść».
Na cyrymonii ŭšanoŭvali spartsmienaŭ i trenieraŭ.
Alaksandr Łukašenka asabliva adznačyŭ, što śpiecyjalnaja premija prezidenta Biełarusi «Biełaruski spartyŭny Alimp» 2012 hoda prysudžana vydatnaj spartsmiency i papularyzataru fizičnaj kultury Darji Domračavaj. Jana taksama ŭznaharodžana ordenam Ajčyny treciaj stupieni. «Svaimi jarkimi pieramohami na suśvietnych čempijanatach Darja Domračava prasłaviła Biełaruś na ŭvieś śviet», — padkreśliŭ kiraŭnik dziaržavy.

Pavodle jaho słoŭ, Biełaruś bahataja na talenty ŭ roznych śfierach dziejnaści. Śviedčańniem taho źjaŭlajecca toj fakt, što ŭ liku ŭznaharodžanych viadomyja dziejačy kultury, piedahohi, uvažlivyja i spahadnyja rabotniki śfiery absłuhoŭvańnia nasielnictva.

«Dla našaj Biełarusi kožny z vas robić vielmi šmat. Vy svaim prykładam dakazali, što pracavitaść, tvorčaść i nastojlivaść abaviazkova pryviaduć da pośpiechu», — dadaŭ Alaksandr Łukašenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?