Biełaruska-kitajskija adnosny vyjšli na ŭzrovień stratehičnaha partniorstva, zajaviŭ staršynia savieta respubliki nacyjanalnaha schodu Biełarusi Anatol Rubinaŭ, prymajučy 21 maja razam sa śpikieram pałaty pradstaŭnikoŭ Uładzimiram Andrejčankam kitajskuju parłamienckuju delehacyju na čale z namieśnikam staršyni Pastajannaha kamiteta Usiekitajskaha schodu narodnych pradstaŭnikoŭ Łu Junsianam.

Taki ŭzrovień supracoŭnictva, pavodle słoŭ Rubinava, šmat u čym źviazany z tym, što pamiž kiraŭnikami dźviuch dziaržaŭ ustanavilisia «ciopłyja adnosiny».

«My vielmi hanarymsia tym, što maleńkaj Biełarusi ŭdałosia ŭstanavić siabroŭskija braterskija adnosiny ź vialikim Kitajem. <…>

My rady, što Kitaj adnosicca da vialikich hetaha śvietu, tych, chto vyznačaje abličča śvietu i jaho budučyniu», — adznačyŭ Rubinaŭ.
Samym ža hałoŭnym, pavodle jaho słoŭ, źjaŭlajecca toje, što adnosiny pamiž krainami dynamična raźvivajucca. Za 20 hadoŭ z momantu ŭstanaŭleńnia dypadnosinaŭ tavaraabarot pavialičyŭsia ŭ 100 razoŭ i ŭ 2011 hodzie dasiahnuŭ 3 miljardaŭ dołaraŭ.

Pry hetym, pavodle słoŭ biełaruskaha palityka, dvuchbakovyja adnosny paśpiachova raźvivajucca nie tolki ŭ ekanomicy, ale i ŭ inšych śfierach, naprykład kultury, navucy, abaronie.

«Našy narody šmat u čym padobnyja, padkreśliŭ Rubinaŭ. — I biełarusam, i kitajcam pryjšłosia pieraadolvać šmat pieraškod.
Jany viedajuć, što takoje vajna, što takoje razrucha. Nijakija bahaćci nie padajuć nam ź nieba, nie lažać pad nahami. Usio davodzicca stvarać svajoj pracaj, talentam našych ludziej».

Łu Junsian zajaviŭ, što na sustrečy ŭ nacyjanalnym schodzie Biełarusi płanujecca abmierkavać pytańni dvuchbakovych adnosinaŭ i mižparłamienckaha supracoŭnictva. U pryvatnaści, pavodle jaho słoŭ, razmova pojdzie ab płanujemym 21 maja padpisańni mižuradavaha pahadnieńnia ab stvareńni sumiesnaj kamisii pa supracoŭnictvie ŭ halinie vysokich technałohij.

Jak adznačyŭ Rubinaŭ, heta aznačaje vychad na novy ŭzrovień adnosinaŭ. «Adna sprava — inviestycyi, budaŭnictva daroh. Druhaja — dzialicca sakretami ŭ halinie vysokich technałohij. Ni kožnyja krainy mohuć sabie heta dazvolić, daviarać adzin adnamu. Toje, što my vyrašyli stvaryć kamisiju, havoryć ab vielmi vysokim uzroŭni davieru pamiž dźviuma krainami», — zajaviŭ staršynia savieta respubliki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?