U Babrujsku vyjaŭlena padpolnaja łabaratoryja pa vytvorčaści narkotykaŭ 2

U Babrujsku ŭ adnym z haražoŭ pravaachoŭnyja orhany raskryli padpolnuju łabaratoryju pa vytvorčaści zabaronienaha da abarotu narkatyčnaha rečyva.

Jak raskazali va ŭpraŭleńni Śledčaha kamiteta pa Mahiloŭskaj vobłaści, łabaratoryju abstalavaŭ u arandavanym haražy student adnoj z vyšejšych navučalnych ustanoŭ 1989 hoda naradžeńnia. Kali 15 maja padčas apieratyŭna-vyšukovych mierapryjemstvaŭ u haraž pranikli pradstaŭniki pravaachoŭnych orhanaŭ,

to znajšli tam 15,5 h asabliva niebiaśpiečnaha psichatropnaha rečyva JWH-018, 116 młn. biełaruskich rubloŭ, 25 tys. dołaraŭ ZŠA.

Padazrony ŭ niezakonnym vyrabie narkotykaŭ zatrymany, 18 maja ŭ dačynieńni da jaho raspačata kryminalnaja sprava pa č. 1 art. 328 (niezakonny abarot narkatyčnych srodkaŭ, psichatropnych rečyvaŭ i prekursoraŭ).

JWH-018 — chimičnaje spałučeńnie, jakoje naležyć da siamiejstva (aminaałkił)indołaŭ. Jaho psichaaktyŭny efiekt pry kureńni padobny da ŭździejańnia marychuany, adnak uźnikaje značna chutčej. Heta źviazana z tym, što pry pastupleńni ŭ arhanizm rečyva nie mietabalizujecca. Preparat nie vyznačajecca ŭ vyniku dopinh-kantrolu i narka-testaŭ. U Biełarusi z 1 studzienia 2010 hoda ŭviedziena jurydyčnaja zabarona na hetaje rečyva.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH