U razmovie z karespandentam ahienctva France Presse jon raspavioŭ pra hetak zvanuju «dyskusiju pa biełaruskim pytańni» na Kanhresie MFCH u Chelsynki.
Jak vynikaje ź intervju, adzinym, chto vystupiŭ na hetuju temu, byŭ sam Harnas. Raniej adnosna zachavańnia stalicy
Pavodle Harnasa, u suviazi sa šmatlikimi palityčnymi pratestami suprać praviadzieńnia čempijanatu ŭ Biełarusi pytańnie planavałasia abmierkavać z udziełam usich siabraŭ MFCH. Dyskusii mierkavałasia pravieści adrazu paśla prezentacyi Biełaruskaj federacyjaj svajoj kancepcyi praviadzieńnia čempijanatu.
Ale nijakaha abmierkavańnia nie adbyłosia.
«Vykazać svaju dumku było dazvolena ŭsim, ale ja byŭ adziny, chto pažadaŭ vystupić. Ja skazaŭ adkrytym tekstam toje, što ja zaŭsiody padkreślivaŭ raniej», — adznačyŭ kiraŭnik niamieckaha chakiejnaha źviazu.
Chakiejnaja fiederacyja Niamieččyny za čas paśla rasstrełu asudžanych za terakt u minskim mietro Dźmitryja Kanavałava i Uładzisłava Kavalova atrymała ad deputataŭ Bundestaha šmat pratestaŭ, u jakich adznačałasia niedapuščalnaść praviadzieńnia mižnarodnaha turniru ŭ krainie, dzie parušajucca pravy čałavieka.
Adnak, niahledziačy na hetuju krytyku biełaruskaj unutrypalityčnaj sytuacyi, kiraŭnictva niamieckaj fiederacyi ličyć, što čempijanat u Biełarusi ŭsie ž lepš pravodzić, čym bajkatavać.
Pa sutnaści, Uve Harnas całkam pahadziŭsia sa słovami prezidenta Rene Fazela adnosna taho,
što bajkot supiarečyć fundamientalnaj «idei sportu i što siabry fiederacyi nie pavinny być maryjanietkami ŭ rukach palitykaŭ dy hramadskich aktyvistaŭ».
