Ministerstva pa nadzvyčajnych situacyjach praviadzie vučeńni ŭ adnym ź minskich supiermarkietaŭ 22 maja, paviedamiŭ pamočnik načalnika Minskaha haradskoha ŭpraŭleńnia MNS Vital Demboŭski.
Pradstaŭnik staličnaha ŭpraŭleńnia patłumačyŭ, što vučeńni projduć u kramie bujnoj handlovaj sietki Minska.
Buduć adpracoŭvacca nie stolki dziejańni samich pažarnych, kolki ŭzajemadziejańnie z MNS administracyi i piersanału supiermarkieta.Vital Demboŭski dadaŭ, što ŭ hetym handlovym punkcie stvorana dobraachvotnaja pažarnaja družyna. Vučeńni pakažuć, nakolki piśmienna jana zmoža ŭžyć pieršasnyja srodki pažaratušeńnia.
Jašče adna važnaja častka vučeńniaŭ — adpracoŭka evakuacyi piersanału i pakupnikoŭ.Paralelna z vučeńniami projdzie instruktaž dla dyrektaraŭ usich kramaŭ hetaj handlovaj sietki.
Vital Demboŭski dadaŭ, što pažary ŭ minskich kramach adbyvajucca nie časta, ale treba ŭličvać, što bujnyja sietki supiermarkietaŭ ŭ horadzie aktyŭna raźvivajucca. Hetyja handlovyja abjekty naviedvaje vialikaja kolkaść ludziej.
I kali ŭ maleńkaj kramcy pytańnie evakuacyi pakupnikoŭ i pradaŭcoŭ nie staić, to dla supiermarkieta heta vielmi važny elemient pažarnaj biaśpieki.
U minułyja vychadnyja na ždanovickim rynku pravodzilisia takija vučeńni ŭ bujnym handlovym centry «Hrad». «MNS nie vypadkova praviało ich u hadzinu pik. Nieabchodna było zrazumieć, jak dziejničać, kali ŭ centry maksimalnuju kolkaść pakupnikoŭ. U zvyčajny dzień ci ŭnačy niemetazhodna pravodzić takija vučeńni», — skazaŭ Vital Demboŭski.
0
0
0
0
0
0
