Pravaachoŭnyja orhany vyśviatlajuć pryčyny samazabojstva ŭ Minsku 36-hadovaha pravadnika Rasijskaj čyhunki (RČ).

Jak paviedamiŭ staršy pamočnik prakurora Minska Siarhiej Bałašaŭ, cieła rabotnika RČ, što visieła ŭ piatli, było znojdziena ŭ 8.45 19 maja ŭ paštovym vahonie, pryhnanym na ramont na Minski vahonaramontny zavod. Žychar vioski Bunina Soncaŭskaha rajona Kurskaj vobłaści supravadžaŭ hety vahon.

Pavodle słoŭ Bałašava, za minułyja vychadnyja ŭ stalicy było zarehistravana niekalki samahubstvaŭ i niaščasnych vypadkaŭ.
Tak, 20 maja ŭ domie na vulicy Šyškina ŭ Zavodskim rajonie była znojdziena paviešanaj 83-hadovaja minčanka. U hety ž dzień z metaj skončyć žyćcio samahubstvam z akna svajoj kvatery na 4-m paviersie doma pa vulicy Haładzieda vykinułasia 80-hadovaja žycharka stalicy.

19 maja z bałkona 7-ha paviercha doma ŭ 2-m zavułku Bahracijona ŭ Partyzanskim rajonie z-za nieaściarožnaści vypaŭ i zahinuŭ 62-hadovy minčanin, jaki znachodziŭsia ŭ stanie ałkaholnaha apjanieńnia.

Pravierki pa hetych faktach pravodziać adździeły Śledčaha kamiteta pa Zavodskim i Partyzanskim rajonach Minska.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?