Narveski śpiavak biełaruskaha pachodžańnia pradstaviŭ svajo novaje videa, źniataje na pieśniu «Niebaschił Eŭropy», zapisanuju letaś dla prajektu partału Tuzin.FM i kampanii «Budźma biełarusami» – «Budźma! Tuzin. Pierazahruzka-2».

Ideja źniać klip na biełaruskuju versiju pieśni «Niebaschił Jeŭropy» naradziłasia ŭ vykanaŭcy adrazu paśla zapisu treka dla «Budźma! Tuzin.Pierazahruzka-2». Za asnovu byŭ uziataje videa na aryhinalnuju versiju kampazycyi «Europe's Skies», adnak dla novaha rolika šerah epizodaŭ byŭ pieraźniaty. Admysłova dla hetaha vykanaŭca na niekalki dzion pryjazdžaŭ z Osła ŭ Kijeŭ, kab pieraśpiavać svaju pieśniu na kameru ŭkrainskaha režysera Alaksandra Fiłatoviča. Choć źniataje videa va Ŭkrainie, sam Rybak pryznajecca, što pry vykanańni «Niebaschiłu» zaŭždy zhadvaje pra Biełaruś dy jaje malaŭničuju pryrodu.

Užyvuju Alaksandar vykanaŭ «Niebaschił Jeŭropy» sioleta ŭ lutym na «Eŭrafeście», dzie byŭ adzinym z usich vystupoŭcaŭ, chto zaśpiavaŭ pa-biełarusku. Tady ž Rybak paznajomiŭsia z suaŭtaram svajho tvoru – biełaruskim paetam Hlebam Łabadzienkam.

Premjera klipa adbyłasia 18 traŭnia. Da hetaha ŭ siecivie možna było pahladzieć fen-videa na hetuju pieśniu. Darečy, nieaficyjnaje videa isnuje jašče na adzin tvor z prajektu «Pierazahruzka-2» – «Pakul» u vykanańni Aleny Śvirydavaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?