U nieviadomych suśvietach — In fremden Welten: Sučasnaja niamieckaja litaratura. / układ. Rajko Łasončyk, Andre Biom. — Minsk, Mastackaja litaratura, 2012 h. — 255 s.

U nieviadomych suśvietach — In fremden Welten: Sučasnaja niamieckaja litaratura. / układ. Rajko Łasončyk, Andre Biom. — Minsk, Mastackaja litaratura, 2012 h. — 255 s.

U Minsku, u pamiaškańni Instytuta Hiote, adbyłasia prezientacyja knihi «U nieviadomych suśvietach».

Heta zbornik apaviadańniaŭ i ese sučasnych niemieckich aŭtaraŭ u pierakładzie na biełaruskuju movu. Knižka vyłučajecca ŭražvajuča ŭdałym spałučeńniem cikavych, zachaplalnych aryhinałaŭ (za što treba padziakavać najpierš niamieckim piśmieńnikam, a taksama ŭkładalnikam) i sapraŭdy sakavitymi, śviežymi pierakładami, jakija jašče bolš radujuć, kali daviedvaješsia, što vykanali ich studenty z Mazyra, Homiela, Hrodna i Minska, jakija vyvučajuć niamieckuju movu. Brava!

Vydatny debiut — heta z čystym sercam možna skazać kožnamu z maładych pierakładnikaŭ.

Na prezientacyi prysutničaŭ viadomy niamiecki piśmieńnik Tomas Rozienlochier, ese jakoha «Nieonavyja banany», poŭnaje humaru i lohkaj nastalhii, apaviadaje pra žyćcio ŭ HDR u časy deficytu ŭsiaho — u tym liku bananaŭ. Na pytańnie karespandenta NN, piśmieńnik pryznaŭsia, što,

kali jechaŭ u Biełaruś, dumaŭ, što trapić u HDR, jakoj jana była 30 hadoŭ tamu. Ale byŭ pryjemna ździŭleny, pabačyŭšy našmat bolš dynamičnuju i kalarovuju krainu.
«Jość uražańnie, što trapiŭ u minułaje, ale nie ŭ takoje dalokaje,« — nie biez humaru zaŭvažyŭ sp. Rozienlochier.
Vyklikała ździŭleńnie, što na prezientacyi nie było nikoha z «Mastackaj litaratury» — dziaržaŭnaha vydaviectva, jakoje ažyćciaviła hetaje cudoŭnaje vydańnie.

Andre Biom, adzin z kaardynataraŭ prajektu, viadomy svajoj cikavaściu da biełaruskaj litaratury i biełaruskaj movy, jakuju jon vydatna viedaje, padkreśliŭ na prezientacyi, što,

niahledziačy na panavańnie ŭ Biełarusi rasiejskaj movy, pierakład mienavita na biełaruskuju byŭ pryncypovaj pazycyjaj kaardynataraŭ prajektu:
«My ŭpeŭnienyja, što takaja kniha na biełaruskaj movie znojdzie svaich čytačoŭ».

Biez sumnievu! Dorys Dorye, Kacia Oskamp, Fłoryjan Iljis, Judyt Hierman, Tomas Rozenlochier, Ulrykie Dresner, Volfhanh Biušer, Kładyja Ruš, Uładzimir Kaminier — sapraŭdy pryadčyniajuć novyja suśviety.

Pytajciesia ŭ kniharniach krainy!
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?