Jak paviedamiła pres-słužba Ministerstva abarony Biełarusi, 3 lipienia ŭ aznamienavańnie Dnia Niezaležnaści ŭ Minsku adbudziecca parad vojskaŭ Minskaha harnizona.
Płanujecca, što ŭ im voźmuć udzieł vychavancy Minskaha suvoraŭskaha vajennaha vučylišča, kursanty Vajennaj akademii, vajenna-techničnaha fakulteta BNTU, vajennasłužačyja 120-j hvardziejskaj asobnaj miechanizavanaj bryhady, 38-j i 103-j asobnych mabilnych bryhad, 86-j bryhady suviazi, 56-ha, 60-ha, 74-ha asobnych pałkoŭ suviazi, zbornaj roty hanarovaj varty, a taksama zborny arkiestr Uzbrojenych sił.
Naroŭni ź piešymi paradnymi raźlikami ŭ paradzie voźmuć udzieł asnoŭnyja ŭzory ŭzbrajeńnia i vajennaj techniki biełaruskaj armi. U niebie nad Minskam žychary i hości stalicy zmohuć ubačyć avijacyjnuju techniku Vajenna-pavietranych sił i vojskaŭ supraćpavietranaj abarony.
Z 15 maja, u miežach druhoha etapu padrychtoŭki, u Minskim harnizonie prachodziać treniroŭki piešych paradnych raźlikaŭ i miechanizavanaj kałony.
Hienieralnuju repietycyju parada płanujecca pravieści nočču 28 i 30 červienia na skryžavańni praśpiektaŭ Pieramožcaŭ i Mašerava.
