Z takoj zajavaj Klintan vystupiła pierad sustrečaj ź lidarami Bośnii, Hruzii, Makiedonii i Čarnahoryi, jakija imknucca da siabroŭstva ŭ NATO. Miesca i data praviadzieńnia nastupnaha samita pakul nie pryznačanyja.
Pieršym kandydatam na ŭstupleńnie ŭ NATO źjaŭlajecca Makiedonija — dziela hetaha joj treba vyrašyć sprečku z Hrecyjaj, jakaja ličyć niepravamiernaj nazvu hetaj krainy. Hruzii dla siabroŭstva ŭ NATO treba budzie ŭłahodzić kanflikt z Rasijaj z nahody samaabvieščanych respublik Abchazija i Paŭdniovaja Asiecija, niezaležnaść jakich Hruzija nie pryznaje. U Bośnii i Čarnahoryi zapuščanyja reformy, nieabchodnyja dla dałučeńnia da vajskovaha sajuza.
