65% kursantaŭ aŭtaškoł nie zdajuć ź pieršaj sproby

Upraŭleńnie Dziaržaŭtainśpiekcyi HUUS Minharvykankama abnarodavała źviestki ab stanie padrychtoŭki kiroŭcaŭ u navučalnych arhanizacyjach, zarehistravanych u haradskim upraŭleńni DAI, za studzień-krasavik 2012 hoda. Ź ich vynikaje, što ahulnaharadski pakazčyk niezdavalniajučaj zdačy ekzamienaŭ ź pieršaj sproby składaje 65,3%.

Usiaho ŭ rejestry UDAI HUUS zarehistravana 59 navučalnych arhanizacyj pa padrychtoŭcy vadzicielaŭ.

Najhoršyja pakazčyki maje TAA «Pazaviedamasnaja achova». Tut ahulny pracent niezdavalniajučaj zdačy tearetyčnaha i praktyčnaha ekzamienaŭ ź pieršaj sproby skłaŭ 92,6%. Nienašmat lepš situacyja ŭ TAA «Hałoŭnaja daroha» — 90,4% i TAA «Aŭta-rytet» — 88,1%.

Kolkaść nie zdaŭšych ź pieršaj sproby tearetyčny ekzamien u hetych navučalnych arhanizacyjach składaje 23,7%, 19,2% i 47,7% adpaviedna ad ahulnaj kolkaści navučencaŭ, nie zdali ź pieršaj sproby kiravańnie — 90,3%, 88,1% i 77,2%.

Bolš paśpiachova ŭ Minsku ekzamieny zdavali kursanty navučalnaj arhanizacyi ŭ licei № 14. Tut ahulny pracent niezdavalniajučaj zdačy skłaŭ 39,7%. Tearetyčny ekzamien pa Praviłach darožnaha ruchu ź pieršaj sproby nie vytrymali 24,1% navučencaŭ, kiravańnie — 20,5%.

U trojcy lepšych pa vynikach čatyroch miesiacaŭ 2012 hoda taksama ZP «Aŭtacentr Atłant-M» (51,1%, 5,8% i 48,1%) i UA DUC «Biełdarbud» (52,1%, 16,6% i 42,6%).

Usiaho ŭ navučalnych arhanizacyjach, zarehistravanych u haradskim upraŭleńni DAI, u studzieni-krasaviku hetaha hoda vučylisia i sprabavali zdać ekzamieny amal 10 tysiač kursantaŭ.

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH