Adpaviednaja pastanova Savieta ministraŭ (№451 ad 17 maja) apublikavana na Nacyjanalnym pravavym partale Biełarusi.
Impart piva z Ukrainy, jaki składaŭ raniej da traciny biełaruskaha rynku, byŭ časova abmiežavany ŭ kancy 2010 hoda pastanovaj Saŭmina Biełarusi. Da 31 śniežnia 2012 hoda jon pavinien ažyćciaŭlacca pa razavych licenzijaj, što vydajucca Ministerstvam handlu pa ŭzhadnieńni ŭ kancernam "Biełdziaržcharčpram". Padčas nastupnych pieramoŭ baki padpisali cenavyja pahadnieńni z šeharam ukrainskich kampanij.
Damoŭlenaść ab źniaćci abmiežavańniaŭ na pastaŭki ŭkrainskaha piva ŭ Biełaruś była dasiahnutaja 3 maja ŭ Minsku na sustrečy pieršaha vice-prem`iera Biełarusi Uładzimira Siamaški ź ministram ekanamičnaha raźvićcia i handlu Ukrainy Piatrom Parašenkam. Padčas hetych pieramoŭ taksama byli źniatyja abmiežavańni na pastaŭki va Ukrainu biełaruskaj miasa-małočnaj pradukcyi. Hetyja pastaŭki byli časova prypynienyja 1 sakavika 2012 hoda Dziaržvietfitasłužbaj Ukrainy.
