Ukaz №197 pra abaviazkovaje atrymańnie pašparta z 14 hadoŭ u Biełarusi ŭstupić u siłu 9 žniŭnia, paviedamili ŭ MUS Biełarusi.
Abaviazkovaje atrymańnie pašpartu z 14 hadoŭ (raniej z 16-ci) źviazana z tym, što ŭ adpaviednaści z hramadzianskim zakanadaŭstvam Biełarusi maładyja ludzi va ŭzroście ad 14 da 18 hadoŭ majuć prava rasparadžacca svaimi zarobkami, stypiendyjami i hrašyma, a taksama prava na ździajśnieńnie niekatorych bankaŭskich apieracyj i h.d. Dla vykanańnia hetych funkcyj im i patrebnyja pašparty.
Zhodna z zakanadaŭstvam atrymańnie pašparta abaviazkova tolki z 16 hadoŭ. Tamu padletki (ad 14 da 16 hadoŭ), kab atrymać pašpart, u hrafie "Padstavy dla atrymańnia" pisali: "Dla vyjezdu za miažu". Ale heta było farmalnaj padstavaj. Nasamreč dakumienty jany atrymlivali dla inšych metaŭ, zhadanych vyšej.
U MUS adznačyli, što praktyka vydačy pašpartoŭ z 14 hadoŭ isnuje ŭ Rasii, Niderłandach, Sierbii i inšych dziaržavach. Źmieny nijakim čynam nie ŭpłyvajuć na pytańni, źviazanyja z ustupleńniem u šlub, z kryminalnaj adkaznaściu i inšymi padobnymi rečami.
Dla atrymańnia pašpartoŭ 14-hadovym hramadzianam budzie nieabchodny standartny pakiet dakumientaŭ, jaki patrabujecca i ciapier.
