Pavodle rašeńnia načalnika Škłoŭskaj kałonii № 7 Mikałaj Dziadok, jaki adbyvaje tam pakarańnie terminam čatyry z pałovaj hady, pieraviedzieny ŭ pamiaškańnie kamiernaha typu, tak zvany «BUR», na paŭhoda.

«Mikałaju niezakonna źmianili režym utrymańnia na bolš surovy: sa zvyčajnaj kamiery pieraviali ŭ adzinočku. Na majho syna ŭžo daŭno cisk, jaho nieadnarazova prymušali pisać prašeńni ab pamiłavańni. Akramia hetaha, jahony atrad pieraviali na 6-dzionny pracoŭny tydzień, što niezakonna. Mikałaj tolki vykazaŭsia pra svaju niazhodu z hetym, bo jość jašče abaviazkovyja dziažurstvy, narady. Heta adrazu ž paciahnuła za saboj pazbaŭleńnie Mikałaja doŭhaterminovaha spatkańnia z maci i žonkaj, jakoje raniej było dazvolena ŭ červieni, i źmiaščeńnie ŭ adzinočku», — paviedamiŭ baćka asudžanaha Alaksandr Dziadok.

Administracyja kałonii na suviaź z rodnymi iści admaŭlajecca. Pryčym dva dni tamu maci Mikałaja była na pryjomie ŭ načalnika Departamienta vykanańnia pakarańniaŭ Siarhieja Pracenki, jaki pry joj telefanavaŭ načalniku Škłoŭskaj kałonii i zładziŭ ceły spektakl: jaki, maŭlaŭ, jon dobry chłopiec, jak jon dobra pracuje, choć u toj čas užo było pryniata rašeńnie ab źmiaščeńni jaho ŭ adzinočku, raspavioŭ baćka Mikałaja:

«Za čas znachodžańnia ŭ Babrujskaj i Škłoŭskaj kałonii Mikałaj atrymaŭ bolš za 10 spahnańniaŭ za roznyja nadumanyja parušeńni, kštałtu „niapravilna adreahavaŭ na zaŭvahu“. I ciapier jon nie moža trapić pad majučuju adbycca amnistyju», — kaža Alaksandr Dziadok.

27 traŭnia 2011 hoda Mikałaj Dziadok byŭ asudžany pa spravie anarchistaŭ razam ź Iharam Alinievičam i Alaksandram Franckievičam. Ich abvinavacili ŭ arhanizacyi antymilitarysckaha šeścia la budynka Minabarony, napadzie na kazino «Šanhry Ła» i izalatar na Akreścina, padpale dźviarej filijału «Biełarusbanka», napadzie na rasijskaje pasolstva

Dziadok atrymaŭ 4,5 hoda pazbaŭleńnia voli ŭ kałonii ŭzmocnienaha režymu.

7 krasavika Mikałaja biez tłumačeńnia pryčynaŭ pieraviali z Mahiloŭskaj kałonii № 15 ŭ Škłoŭskuju VK-17.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?