Urad Azierbajdžana pačynaje vypłaty pa ŭkładach nasielnictva, zamarožanych ŭ svoj čas u aščadbanku Azierbajdžanskaj SSR.
«My hatovy z 1 červienia pačać praces razavaj vypłaty pa ŭkładach nasielnictva ŭ Aščadbanku pa stanie na 1 studzienia 1992 hoda. », — skazaŭ ministr finansaŭ Azierbajdžana Samir Šaryf.
Ministr padkreśliŭ, što praces indeksacyi pa ŭkładach u Azierbajdžanie istotna adroźnivajecca ad anałahičnych u inšych krainach SND. «U šerahu dziaržaŭ SND hety praces zajmaje praciahły pieryjad času — 5–10 i navat 20 hadoŭ. U Azierbajdžanie ž uvieś praces vydačy srodkaŭ budzie ažyćcioŭleny da kanca 2013 hoda. Zajavy ad hramadzian na atrymańnie srodkaŭ prymajucca da 31 śniežnia 2012 hoda», — skazaŭ Šaryf.
Jon adznačyŭ, što praces achopić 2,4 miljona ŭkładčykaŭ i zapatrabuje da 1 miljarda manataŭ ($1,27 miljarda).
Pa apošnich dadzienych,
stratehičnyja valutnyja reziervy Azierbajdžana pieravysili $43 miljardy.
