Na Minskim stankabudaŭničym zavodzie (MZOR), što na vulicy Kastryčnickaj, viečaram 11 červienia adbyŭsia pažar.

Pavodle infarmacyi staličnaha ŭpraŭleńnia MNS, u 19.58 na numar 101 ad načalnika dziažurnaj źmieny achovy pradpryjemstva pastupiła paviedamleńnie ab pažary ŭ korpusie № 1 pa vuł. Kastryčnickaj, 16. «Paśla prybyćcia da miesca vykliku ŭ 20.04 adździaleńniaŭ PASČ-19 pa źniešnich prykmietach ničoha nie nazirałasia», — adznačajecca ŭ paviedamleńni.

U chodzie raźviedki było ŭstanoŭlena, što adbyłosia zaharańnie draŭlanych budaŭničych kanstrukcyj dachu, pakrytaha listavoj blachaj, na płoščy 150 kv. m u cechu vyrabu ŭpakoŭki dla stankoŭ, prybudavanaj da vytvorčaha korpusa № 1.

Pažar likvidavany ŭ 20.29. Technałahičny praces nie spyniaŭsia. Evakuacyja nie pravodziłasia. Paciarpiełych niama. Pryčyna pažaru ŭstanaŭlivajecca.

Zavod byŭ zasnavany ŭ 1908 hodzie i nazyvaŭsia «Hihant». Budynku, dzie adbyŭsia pažar, u nastupny hodzie spoŭnicca 90 hadoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?