Lačeńnie stvałavymi kletkami stanie bolš dastupnym u Biełarusi z 2013 hoda, paviedamiŭ sakratar adździaleńnia bijałahičnych navuk NAN, zahadčyk łabaratoryi malekularnaj bijałohii kletki Instytuta bijafiziki i kletačnaj inžynieryi, akademik Ihar Vałatoŭski.

Z vykarystańniem stvałavych kletak u Biełarusi ŭžo paśpiachova lečać niekatoryja zachvorvańni, pierš za ŭsio trafičnyja jazvy i apioki. Inavacyjnyja mietady lačeńnia buduć prymianiacca bolš šyroka z adkryćciom u Minsku mižnarodnaha navukovaha miedycynskaha centra «Stvałavyja kletki», jakoje zapłanavanaje na nastupny hod. «Jak tolki my jaho arhanizujem, budzie stvoranaja ekśpierymientalnaja i lačebnaja baza, novyja mietady lačeńnia zmožam prymianiać bolš šyroka», — adznačyŭ navukoviec.

Pavodle jaho słovaŭ, novy centr płanuje vybudavać svaju pracu pa piaci-šaści asnoŭnych napramkach. Akramia lačeńnia trafičnych jazvaŭ i defiektaŭ skury stvałavyja kletki tut buduć vykarystoŭvać dla baraćby sa sklerozam, paradantozam, a taksama vykarystoŭvać ich u kaśmietałahičnych metach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?