Rehistracyja nieruchomaj majomaści ŭ Biełarusi paskoranaja da dvuch rabočych dzion. Pra heta paviedamili ŭ Dziaržaŭnym kamitecie pa majomaści Biełarusi, kamientujučy pastanovu Savieta Ministraŭ ad 31 maja 2012 hoda numar 514.

Dakumient unosić źmianieńni i dapaŭnieńni ŭ pastanovu ŭrada ad 17 lutaha 2012 hoda numar 156. Jon raspracavany ŭ metach dalejšaha ŭdaskanaleńnia zakanadaŭstva ŭ halinie dziaržaŭnaj rehistracyi nieruchomaj majomaści.

Asnoŭnyja źmianieńni źviazanyja z ustanaŭleńniem mahčymaści ažyćciaŭleńnia dziaržaŭnaj rehistracyi nieruchomaj majomaści, pravoŭ na jaje i ŭhodaŭ ź joju ŭ paskoranym paradku — na praciahu dvuch rabočych dzion z momantu padačy jurydyčnaj, fizičnaj asobaj abo indyvidualnym pradprymalnikam zajavy i nieabchodnych dakumientaŭ. Pry hetym praduhledžana spahnańnie dadatkovaj płaty ŭ pamiery 1,5 bazavaj vieličyni (ciapier adna bazavaja vieličynia składaje Br100 tys.). Raniej termin ažyćciaŭleńnia administracyjnaj pracedury pa nieruchomaj majomaści dasiahaŭ siami rabočych dzion. Zachavałasia hetaja norma i ciapier. Ale pry ŭmovie apłaty ŭ pamiery 1,5 bazavaj vieličyni rehistracyjnyja dziejańni možna ažyćciavić u paskoranym paradku, adznačyli ŭ Dziaržkammajomaści.

Taksama pastanovaj numar 514 źnižany pamier płaty, što spahaniajecca za dziaržaŭnuju rehistracyju ŭ dačynieńni da pradpryjemstva jak majomasnaha kompleksu, z 29 da 22,5 bazavaj vieličyni.

Akramia taho, karektujecca pieralik dakumientaŭ, što padajucca dla dziaržaŭnaj rehistracyi. Tak, dla dziaržaŭnaj rehistracyi stvareńnia abo źmianieńnia niezavieršanaha zakansiervavanaha kapitalnaha budynka vyklučajecca nieabchodnaść padavańnia akta pryjomki zakazčykam ad padradčyka abjekta niezavieršanaha budaŭnictva. Udakładnienyja niekatoryja momanty rehistracyi spynieńnia isnavańnia abjekta (kapitalnaha budynka, niezavieršanaha zakansiervavanaha kapitalnaha zbudavańnia, izalavanaha pamiaškańnia, mašyna-miesca) u vyniku ich źniščeńnia abo znosu. Pry znosie abjekta, što znachodzicca ŭ respublikanskaj ułasnaści, rašeńnie ab jaho źniščeńni (znosie) prymajecca dziaržaŭnym orhanam, inšaj dziaržarhanizacyjaj, padparadkavanaj kiraŭniku Biełarusi abo ŭradu, za jakimi nieruchomaja majomaść zamacavanaja na pravie apieratyŭnaha kiravańnia abo haspadarčaha viedańnia. Abo hetaje rašeńnie moža być pryniataje orhanam, jaki pieradaŭ jaje ŭ biazvypłatnaje karystańnie niedziaržaŭnaj jurydyčnaj asobie abo dziaržaŭna-hramadskamu abjadnańniu. Taksama rašeńnie moža być pryniataje respublikanskaj jurydyčnaj asobaj, za jakoj majomaść zamacavanaja na pravie haspadarčaha viedańnia abo apieratyŭnaha kiravańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?