Łaŭreatami stali nastaŭnicy Zinaida Hubarava-Krupskaja ź Vilejki i Nina Sakava z Asipovickaha rajona. Pa słovach piśmieńnicy Volhi Ipatavaj, jakaja ŭručała dypłomy, hetych žančyn vyrašana adznačyć za ich pracu na karyść biełaruščyny ŭ rehijonach. Mienavita ŭ pravincyi, kali zastaješsia adzin, heta rabić kudy składaniej, čym u stalicy.

Premiju ŭ 2009 hodzie zasnavała žonka Mikoły Hańko Maryja. Skiravana hałoŭnym čynam na padtrymku aŭtaraŭ publikacyj pra biełaruskuju dyjasparu. Raniej joj byli ŭhanaravanyja Volha Ipatava, Vijaleta Kavalova, Zhurtavańnie biełarusaŭ śvietu «Baćkaŭščyna».

Mikoła Hańko (1924-1999) — dziejač biełaruskaj emihracyi. Naradziŭsia ŭ Maładziečanskim rajonie. U 1944-m vyjechaŭ ź Biełarusi ŭ Aŭstryju. Zatym — u Kanadu, dzie staŭ adnym z arhanizataraŭ žyćcia biełaruskaj dyjaspary.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?