17 červienia Centralny bataničny sad praviadzie śviata ćvicieńnia ciulpanavaha dreva.

Jak paviedamiła zahadčyca infarmacyjna-aśvietnickaha siektara sada Alena Sakurenka, ciulpanavaje dreva, radzimaj jakoha źjaŭlajucca paŭdniova-ŭschodnija štaty ZŠA, viadomyja va ŭsim śviecie svaim jarkim i niezvyčajnym ćvicieńniem. Jaho kvietki z bledna-zialonymi ci biełymi pialostkami i aranžavaj plamaj kala asnovy nahadvajuć formaj ciulpan. Aprača ciulpanavaha dreva ŭ bataničnym sadzie ćvituć pivoni (ich kalekcyja naličvaje 320 hatunkaŭ) i irysy (248 hatunkaŭ).

Pavodle słoŭ Sakurenki, u dzień śviata kala ciulpanavaha dreva supracoŭnik bataničnaha sada praviadzie navukova-paznavalnuju hutarku i daść kansultacyi pa dohladzie za raślinami.

U 13.00, 14.00 i 15.00 kala dreva buduć farmiravacca biaspłatnyja ekskursii pa dendraryi. U 16.00 projdzie viktaryna «Zachaplalnaje i cikavaje pra drevy» z pryzami.

Z 13.00 da 15.00 kala centralnaha ŭvachodu ŭ bataničny sad budzie ihrać kvartet saksafanistaŭ muzyčnaha doma «Kłasika». Kala aranžarei — arhanizavana vystava-prodaž archidej.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?