Ciahnik sutyknuŭsia z hruzavikom: zatrymka z ruchu skłała 3 hadziny — fota 1

Fota MNS.

Fota MNS.

Fota MNS.

Surjoznyja nastupstvy vyklikała DTZ, jakoje adbyłosia dniom 13 červienia na čyhunačnym pierajeździe ŭ vioscy Teŭli Kobrynskaha rajona Bresckaj vobłaści.

Jak paviedamili va ŭpraŭleńni ŭnutranych spraŭ na transparcie MUS Biełarusi, 13 červienia ŭ Brescki adździeł transpartnaj milicyi pa telefonie ad staršaha dyśpietčara adździeła pieravozak Bresckaha adździaleńnia Biełaruskaj čyhunki pastupiła infarmacyja ab tym, što ŭ 15.37 na 1.046-m kiłamietry stancyi Teŭli (u vioscy Teŭli Kobrynskaha rajona) žychar Kobryna 1965 hoda naradžeńnia, vadziciel filijała adnoj z arhanizacyj horada (pavodle papiarednich źviestak, znachodziŭsia ŭ ćviarozym stanie), kirujučy hruzavoj aŭtamašynaj «MAZ» z paŭpryčepam z druzam, što naležaŭ zhadanamu pradpryjemstvu, vyjechaŭ na zabaranialny sihnał śviatłafora na nieachoŭny pierajezd, abstalavany spraŭnaj śvietłavoj i hukavoj sihnalizacyjaj. Na puciach aŭtamabil sutyknuŭsia z elektravozam biez sastavu.

U vyniku sutyknieńnia adbyŭsia sychod pieršaj kołavaj pary elektravoza. Elektravoz i aŭtamašyna atrymali miechaničnyja paškodžańni.

Z 15.37 da 18.50 byŭ zabłakiravany ruch na hałoŭnym puci ŭčastka Brest — Baranavičy, paškodžana 500 mietraŭ čyhunačnaha pałatna.

Zatrymka ruchu elektraciahnika № 6308 Brest — Minsk skłała 2 hadziny 40 chvilin, ciahnika № 105 Minsk — Brest — 1 hadzinu 37 chvilin, elektraciahnika № 6309 Minsk — Brest — 1 hadzinu 12 chvilin, ciahnika № 28 Brest — Maskva — 45 chvilin, ciahnika № 22 Praha — Maskva — 10 chvilin, a ciahnik № 833 EPr Baranavičy — Brest sa stancyi Arančycy da stancyi Baranavičy-Paleskija viarnuŭsia biez pasažyraŭ.

Vadziciel «MAZa» byŭ dastaŭleny ŭ balnicu z dyjahnazam «rezanaja rana levaha pieradplečča z paškodžańniem myšc razhinalnikaŭ».

Pa fakcie DTZ pravodzicca pravierka.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH